كلمات أغنية "في الختام" لــ كايروكي
أماني ربيعي
طرحت فرقة كايروكي ألبومها الغنائي الجديد "سوبر نوفا"، والذي يتكون من 10 أغاني متنوعة وسط تفاعل جماهيري كبير ومشاركة متميزة لنخبة من صناع الموسيقى، ويضم الألبوم أغاني: "نسينا، ما تيجي، أنا فاضل، تاتا تاتا، حاسب حاسب، مت ليه، ألف مراية، وحدي، أنا بكبر، وفي الختام".
تعتبر أغنية "في الختام" مسك الختام والمحطة الأخيرة التي تلخص فلسفة الألبوم بأكمله، الأغنية من كلمات وألحان فريق كايروكي.
نرشح لك: كلمات أغنية "مت ليه" لــ كايروكي
وتأتي كلمات أغنية "في الختام" كالآتي:
وفي الختام
بنسيب مكان ونروح مكان
بنسيب سنين وذكريات
تقدر تقول كان فيها روحنا
فاكره اما رحنا ابعد اماكن
انا لسه فاكر
ولسه عندي كتير كلام
وفي الختام
معرفش الدنيا ساكته لية
زي اما تدخل فيلم سيما
وتخرج تلاقي الدنيا ليل
رغم الزحام الصمت تام
وانا لسة سارح في النهاية
ولسه عندي ميت سؤال
معرفش ليه لما بنام
بحلم بفارس راكب حصان
وبيبتسملي بسمه فيها اسى
وكأني خاين او جبان
وافتكرت اول يوم في المدرسة
اول فراق اول وداع
اول مره قلبي اتأذى
نفس الشوارع نفس المباني
نفس الطريق اللي مش بيودي
ايدي في جيوبي
والسماعات في وداني
ومستخبي
وبسمع نفس الاغنية هي هي
يمكن عشان بتفكرني بينا
او عشان بتفكرني بيكي
لما في يوم صدقتي فينا
انا شفت ضلي كان ماشي جنبي
كان ضهره محني وكأنه بيلمحلي
ان الشوارع مش فكراني
او اني بقيت واحد تاني
بقيت اقول كتير زمان
وبقيت اخاف من كل جي
عايش صحيح لكن بشك اني حي
بحلم بفارس راكب حصان
وبيبتسملي بسمة فيها اسى
وكأني خاين او جبان
وافتكرت اول يوم في المدرسة
اول فراق اول وداع
اول مره قلبي اتأذى
وفي الختام
كل اللي غابوا عني غابوا من غير وداع
وفي الختام
كان نفسي بس اقول سلام