كلمات أغنية "ماتيجي" لــ كايروكي
أماني ربيعي
طرحت فرقة كايروكي ألبومها الغنائي الجديد "سوبر نوفا"، والذي يتكون من 10 أغاني متنوعة وسط تفاعل جماهيري كبير ومشاركة متميزة لنخبة من صناع الموسيقى، ويضم الألبوم أغاني: "نسينا، ما تيجي، أنا فاضل، تاتا تاتا، حاسب حاسب، مت ليه، ألف مراية، وحدي، أنا بكبر، وفي الختام".تعتبر أغنية "ماتيجي" واحدة من أكثر أغاني الألبوم تميزاً وجاذبية، حيث تعكس بأسلوبها الفريد حالة من الهروب إلى الخيال والتصالح مع الذات بعيداً عن ضغوط الواقع، الأغنية من كلمات أمير عيد، إنتاج موسيقي وميكساچ شريف مصطفي.
نرشح لك: كلمات أغنية "وحدي" لــ كايروكي
وتأتي كلمات أغنية "ماتيجي" كالآتي:
لازم اشوفك و كفاية كلام
بس انا خايف الحقيقة تقتل الخيال
مليش اوي في الناس واخد موقف من الانسان
فاكره لما سألتيني علي ذوقي في الافلام
كان نفسي اكون باتمان بس طلعت جوكر
اصل انا في دور البطولة فاشل جدا مديوكر
وساعات بقف قصاد المراية
واتخيل انك جنبي بترقصي معايا
ماتيجي نعيش في عالم مش حقيقي
انتي وانا والخيال
امسكي في ايدي
صدقي فيا وغمضي عينيكي
احنا هنا ملناش مكان
عايش انا مع العذاب و الاكتئاب ومنطلق
من كتر ما جالي بانيك اتاك مبقتش ابانيك
بارد زي الباند اللي كان بيغني في تيتانيك
هفضل اغنيلك لأخر نفس وابسطك
انا عشت الف قصة حب وكنت الاندردوج
وبحب الساسبنس ستايل هيتش كوك
وبحب الرومانسي بس انا وحيد
من زمان وانا منسي نفسي اكون حبيب
ماتيجي نعيش في عالم مش حقيقي
انتي وانا والخيال
امسكي في ايدي
صدقي فيا وغمضي عينيكي
احنا هنا ملناش مكان