لينا صوفيا تروي تفاصيل نجاتها من حادث سير
سارة عبد الدايم
كشفت الفنانة الشابة لينا صوفيا عن تعرضها لحادث سير مشيرة إلى أنها كانت سوف تكون حادثة صعبة إذا حدث شيء للأطفال الذين كانوا يركبون التروسيكل المتسبب في الحادث وأنها لم تكن تسامح نفسها حينها.
قالت "صوفيا" عبر حسابها الرسمي بموقع تبادل الصور والفيديوهات "إنستجرام": " أنا عملت حادثة وكانت ممكن تكون وحشة قوي بس ربنا ستر، كان تروسيكل اللي خبطني وكان عليه ناس كتير منهم أطفال".
أضافت: "أنا عارفة أنهم مش عارفين خطورة اللي هم بيعملوه ودي حاجة خطر يارب يكونوا أتعلموا منها، لو كان واحد فيهم حصل له حاجة حتى لو بالغلط ماكنتش هسامح نفسي".
أشارت إلى أنها كانت تشعر بالخوف بالرغم من تواجد والدتها برفقتها أثناء الحادث، وأن الجميع وقف بجانبها وساندها، وعندما ذهبت إلى الشرطة وقفوا بجانبها وقاموا بالتعامل معها معاملة جيدة.
قالت "صوفيا": "حسيت قد إيه إحنا شعب جميل، وفعلًا ربنا وقف ناس كويسين معايا، وكنت خايفة أكون أنا اللي غلطانة.. الحمدلله حصل خير".