ميرهان حسين: الكلب من خلق الله.. زيك!
علقت الفنانة ميرهان حسين على أزمة كلاب الشوارع، مشيرة إلى أنهم مخلوقات ضعيفة ووفية ولا يجب التعامل معهم بقسوة.
نشرت "حسين" عبر حسابها الرسمي على موقع التواصل الاجتماعي وتبادل الصور والفيديوهات "إنستجرام" صورًا مع مجموعة كلاب في الشارع وكتبت: "أطيب وأغلب وأوفى خلق الله.. الكلب من خلق الله.. زيك".
تابعت: "ذنبه ايه إنه مرمي في الشارع؟ كائن مسكين لا حول له ولا قوة، لا بيتكلم ولا يملك يضمن لنفسه أكل ولا شرب ولا مأوى من حر ولا من برد ولا علاج من ألم، ولا يقدر على قسوة البشر وما أدراك ما قسوة البشر".
أردفت: "هما اللي خايفين مننا، هما اللي يتمنوا يعيشوا بعيد عننا في أمان.. هل أنت كبني آدم كنت هتعمل إيه لو لاقيت نفسك مخلوق ضعيف وسط مخلوقات تقدر تعذبك وتضربك وتخبطك بعربية وتحط لك سم في أكل بتجري عليه من جوعك وضعفك، وانتظارك إنهم يعطفوا عليك!".
أضافت: "ارحموهم لوجه الله، ربنا اسمه الرحيم. والناس اللي بتخاف من كلاب الشوارع أو اتأذت منهم، الحل مش قتلهم وتسميمهم، ده ذنب كبير وتصرف وحشي.. لازم حل يحقق الأمان للناس وبرضه يحمي الحيوان اللي ربنا خلقه يعيش في سلام مش يتقتل".