كلمات أغنية "طال بعدك" لـ مسلم
سارة عبد الدايم
طرح المطرب مسلم أغنية جديدة بعنوان "طال بعدك" عبر قناته الرسمية بموقع يوتيوب.
أغنية “طال بعدك” من كلمات أحمد عزب، وألحان كامل الجندي، وتوزيع موسيقي إسلام شوقي، بينما تولى إخراج الفيديو كليب كريم رفعت.
جاءت كلمات الأغنية كالتالي:
طال بعدك عني ولو فاكر ده مكانش كلامك
ده أنا عيشتها ليك عيشت مقاسمك في جميع أحلامك
دلوقتي أنا أقصى طموح ليا تتعاد أيامك
مش قادر أنسى ولا الأيام عرفت ترضيني
قول لي أنت ازاي ارتاح لو روحي بعيد عن عيني
والله ده ظلم كبير ليا لو هانوا سنيني
عمال توحشني يوم عن يوم ولسه على بالي
ولسه ماجتش على بالك كأني غريب ومش غالي
عرفت القسوة امتى وفين تعالى وشوفني من غيرك
مجرد بس أشوف صورتك بتنزل دمعتي قصادها
خسارة فراقنا وخسارتك مفيش إنسان يعوضها
من بعد ماكنت حياتك فجأة بقيت مش فيها
من بعد الفرحة حياتي خلاص الحزن ماليها
أنا وحدي محلتيش غير ذكرى بتونس بيها
لكن أصعب حاجة تخيل يجي غيري مكاني وتحب جديد وتعيش وقتك عادي وتنساني
قول لي أنك فاكر قول لي أننا راجعين من تاني
عمال توحشني يوم عن يوم ولسه على بالي
ولسه ماجتش على بالك كأني غريب ومش غالي
عرفت القسوة امتى وفين تعالى وشوفني من غيرك
مجرد بس أشوف صورتك بتنزل دمعتي قصادها
خسارة فراقنا وخسارتك مفيش إنسان يعوضها