أمير عبد الواحد: عايز أعمل أفلام كارتون بالمصري
كشف الفنان أمير عبد الواحد عن رغبته في تقديم أعمال كارتون باللهجة المصرية، مشيرًا إلى جودة الأداء المصري في دبلجة الكارتون لدرجة تتفوق على اللهجة الأصلية للعمل.
قال "عبد الواحد" خلال لقائه مع المذيعة سالي سعيد في برنامج "رايح ولا جاي" عبر الراديو 9090: "لما بنعمل دبلجة عربية للأفلام النسخة المصرية ساعات بتتفوق على النسخة الأصلية الأمريكاني".
تابع: "أنا بشوف إننا مش قليلين خالص في المجال ده وعندنا عقول كويسة بس نخرج برا حتة إن الكارتون برامج أطفال".
أشار: "هنبقى كويسين في الكارتون وهنعمل حاجات كويسة ومش هنرمي فلوسنا في الأرض لما نشيل الكارتون من حتة إنه برامج أطفال.. أنا نفسي نعمل ده".