تامر حسني: لما تدوق حلاوة الصدقة هتدمن متعتها!
شارك الفنان تامر حسني مقطع فيديو يوضح مراحل نمو إحدى النباتات، موجهًا نصيحة لجمهوره ومتابعيه حول الصدقة ومساعدة الغير.
كتب "حسني" عبر حسابه الرسمي على موقع التواصل الاجتماعي "فيس بوك": "شوفت الفيديو ده بالصدفة وبعيدًا عن إنه بجد أو ai، بس جه على بالي مبدأ أنا عايش بيه، لو حد أعجب بيه ياريت يطبقه على حسب مقدرته".
تابع: "ثقة البني آدم إن مردود الصدقة بيرجعلك زي بالظبط الزرعة دي، اتحط زرعة واحدة أو حباية واحدة طلعت ألف ثمرة، لازم تصدق إن ربنا بيعمل معاك كده في الصدقة بس أنت مش شايف".
أضاف: "المردود ده حاجة حاصلة بس في الغيب ولازم لازم تصدقها رغم إنك مش شايفها، و لو دوقت حلاوتها بجد هتدمن متعة التصدق ومساعدة الغير وبرضه حسب مقدرتك".
أشار: "مش لازم فلوس بس؛ ممكن خدمة لحد، ابتسامة، طبطبة، نصيحة، أو شيل إيذاء عن حد، المهم تكون بتعمل ده لربنا".