أحمد عيد يتحدث عن إمكانية تقديم "فيلم ثقافي 2"
تحدث الفنان أحمد عيد عن إمكانية تقديم جزء جديد من "فيلم ثقافي" الذي تم عرضه عام 2002، من بطولته بالاشتراك مع فتحي عبد الوهاب وأحمد رزق.
أوضح "عيد" خلال لقائه مع "فوشيا" إنه حتى الآن لا توجد أي قرارات حول تقديم جزء جديد من الفيلم، مشيرًا: "هو كلام ومحدش عمل فيه خطوات إيجابية عشان ننفذه.. ولو في جزء تاني كويس ياريت طبعًا".
تابع: "فيلم (الشيطان شاطر) فاضل فيه 4 أيام تصوير وإن شاء الله يكمل على خير..
زينة ممتازة، بصراحة فنانة جميلة وبسيطة، وكل الناس كويسين، أستاذ محمود حميدة ومحمد أنور كلهم كويسين وبتشرف إني بشتغل معاهم".
أشار: "عندي فوبيا من الكلام في التلفزيون عمومًا، ساعات الناس بتبقى واخدة عنك فكرة ده دمه تقيل مثلًا ومبيهزرش".
أكمل: "حد يسألني سؤال مفاجئ فأرد إجابة مش طبيعية، أعمل حاجة غلط، وأنت عارف السوشيال ميديا دلوقتي.. في مثل بيقولك ابعد عن الشر وغنيله وده اللي أنا قصدي عليه".