كنزي مدبولي تتعرض لإصابة في الأنف بسبب حقنة فيلر.. والتعليقات تثير غضبها!
أعلنت صانعة المحتوى كنزي مدبولي، عن تعرضها لمضاعفات خطيرة إثر حقنة "فيلر" في الأنف.
نشرت كنزي صورا توضح تضرر أنفها، وعلقت عبر حسابها على موقع تبادل الصور والفيديوهات "إنستجرام": "أنا مناخيري كانت هتروح إمبارح بسبب حقنة فيلر! ماحدش ياخد فيلر في المناخير مهما كان الدكتور شاطر!".
وبعد دقائق، تعرضت لموجة من التعليقات الساخرة، ما دفعها للرد عبر "إنستجرام"، وأوضحت أنها لجأت للفيلر لعلاج اعوجاج بالأنف ناتج عن الجيوب الأنفية، لكنها فوجئت بخطورته.
قالت "مدبولي": "أنا بحط البوست ده توعية لأي حد زيي مش فاهم حاجة، اتقال له كلمة من دكتور وافق، مش علشان حد يتريق أو يتمنظر.. إيه قلة الأدب دي! هو أنا في إيه ولا إيه؟".
نرشح لك: القبض على متهم اعتدى على طفل وسرق هاتفه بالإكراه في الجيزة
أضافت: "أنا ماكنتش عايزة ولا مهتمة ولا فاهمة يعني إيه ده، بس عندي عوجة بسبب الجيوب الأنفية، قالت لي: "ما تيجي أعدلهالك في ثانية"، وسألت يعني إيه؟ قالت لي: "دي حاجة بسيطة"، وأكدت لي إنها أسهل حاجة في الدنيا. ولأني كنت جاهلة بالموضوع افتكرتها حاجة عبيطة ووافقت، وياريتني ما وافقت.. الحمد لله على كل شيء، بس مش مستحملة أي قلة أدب في الكومنتات!".