في عيد ميلادها.. رسالة مؤثرة من ملك زاهر لشقيقتها ليلى

وجهت ملك أحمد زاهر رسالة مؤثرة إلى شقيقتها ليلى في عيد ميلادها، عبرت فيها عن مدى محبتها لأختها.

شاركت ملك مقطع فيديو جمعهما في عدة مناسبات، عبر حسابها على موقع تبادل الصور والفيديوهات "إنستجرام"، وكتبت: "كل سنة وأنتي طيبة يا أختي، يا روحي، يا أماني، ويا أعز صحابي.. إنتي مش بس أختي، إنتي دنيتي كلها.. الرابط اللي بينّا حاجة الكلام عمره ما هيعرف يوصفها، أقوى من أي حاجة في الدنيا، مش بس إخوات، ومش بس أصحاب، أعمق من كده بكتير".

تابعت: "وإحنا بنبص على صورنا مع بعض، اكتشفت إننا عدّينا على كل حاجة سوا، في الحلو والوحش، ماكانش فيه مرة واحدة حد فينا عدى بحاجة كويسة أو وحشة والتاني ماكانش واقف جنبه، من أيام الحضانة لحد المدرسة، وإحنا بنذاكر سوا، ونخرج مع نفس الصحاب، ونلبس نفس الهدوم، ونشارك نفس الضحك والدموع. عدّينا الجامعة واتخرجنا سوا، نجحنا سوا، وكبرنا سوا".

نرشح لك: استمع.. ألبوم "عقارب" لـ ويجز

أضافت: "شُفتك وانتي ماشية على الممر يوم فرحك ودموعي نازلة من فرحتي، عشان رغم إنك كنتي بتبدأي فصل جديد في حياتك، كنت أسعد وأفخر أخت في الدنيا. وأنا عارفة إن كل خطوة جاية، حتى لو مش تحت سقف واحد، هنكملها سوا برضه.. أنتي بالنسبالي مش بس أختي، إنتي بنتي، وفرحتي، وأكبر نعمة في حياتي. على طول فخورة بيكي، وبهلل ليكي، وواقفة في ضهرك في كل خطوة في مشوارك.. إنتي أكتر شخص بحبه، الشخص اللي بفرح بيه أكتر من فرحتي بنفسي، واللي هفضل طول عمري شاكرة ربنا إنه رزقني بيه".

اختتمت رسالتها: "وحشاني كل ثانية، بس مفيش حاجة بتفرّحني أكتر من إني أشوفك مع الراجل اللي بتحبيه، وعايشة الحياة اللي تستحقيها، وبتحققي كل اللي قلبك بيتمناه، وأنا عارفة إن ده مجرد البداية.. لأنك اتولدتِ عشان تفضلي منورة من غير نهاية، أنتي كل حاجة ليا، وفخري الأبدي، وأعظم حب في حياتي،

كل سنة وأنتي طيبة يا أختي، يا بنتي، يا قلبي".