بعد أزمة "التيك توكرز".. نادية السيد: "لديّ 30 مليون متابع وجمهورنا واعٍ"
علقت الشيف نادية السيد على الجدل المثار مؤخرًا بعد القبض على عدد من الـ"تيك توكرز"، مشيرة إلى أن الجمهور المصري والعربي واعي، وبحاجة للمزيد من المحتوى الهادف والذي يتمتع بالترفيه والتسلية.
كتبت "السيد" عبر حسابها الرسمي على موقع تبادل الصور والفيديوهات "إنستجرام": "النجاح على السوشيال ميديا مش معناه إنك لازم تقدم محتوى تافة أو مخالف للتقاليد علشان تتشهر أو تتشاف.. أنا بفضل ربنا عندي أكثر من 30 مليون متابع على جميع المنصات، وبما فيها (تيك توك) من مصر ومن كل الدول العربية".
نرشح لك: تفاصيل القبض على التيك توكر نعمة "أم إبراهيم"
تابعت: "الجدل اللي حصل بعد القبض على مجموعة من صناع المحتوى على (تيك توك) في مصر، خلّى ناس تقول إن الجمهور ما بيحبش غير المحتوى التافة، لكن الحقيقة إن جمهورنا العربي – والمصري بشكل خاص – واعي وفاهم وبيعرف يفرّق بين الصح والغلط".
أضافت: "أنا بدافع عن الجمهور المصري الكبير، الجمهور اللي يمكن يشوف البوست (ومش هيعلّق ولا حتى يدوس لايك)، لكن هو الأغلبية الساحقة اللي بتشوف وبتقدّر".
استكملت نادية السيد: "وعشان أدافع عن زمايلنا من صناع المحتوى المحترم اللي بيتعبوا وبيقدّموا حاجة مفيدة ولطيفة، وبيكملوا بدعم الناس اللي بتشجعهم من غير ما يعملوا دوشة أو يركضوا وراء الترندات السلبية".
أردفت: "لو محتواك هادف ومحترم وفي نفس الوقت مفيد ومسلي الناس كلها هتابعك، وتحب محتواك بس ده مش معناه أن طريقك هيبقي مفروش بالورود".
اختتمت "السيد": "اللي بيقدموا المحتويات السلبية والتافهة مش هيسيبوك وهيحاولو ديما يزهقوك، لانك بتظهر فقر وفراغ محتواهم.. وده كتير كان بيحصل معايا، بس أنا زي ما أنتو عارفين ولا بيهمني.. طول ما جمهوري معايا وبيشجعني".