أحمد العوضي عن مسلسله الجديد "علي كلاي": "فوق النمرة واحد"
كشف الفنان أحمد العوضي عن تفاصيل مسلسله الجديد "علي كلاي"، المقرر عرضه في موسم دراما رمضان 2026، مؤكدًا أنه سيكون مختلفًا عن أعماله السابقة مثل "فهد البطل" و"حق عرب"، مع الحفاظ على الروح التي أحبّه بها الجمهور.
قال "العوضي" في تصريحات خلال بث مباشر عبر حسابه على موقع التواصل الاجتماعي "فيس بوك": نشرها عبر حساباته على مواقع التواصل الاجتماعي: "مسلسل (علي كلاي) رمضان 2026، أوعدكم المسلسل يبقى زي اللي أنتوا بتحبوه مني، وهيبقى مسلسل مختلف عن (فهد البطل) و(حق عرب)".
أضاف: "والقصة هتبقى جامدة وحلوة والقهاوي هتتكسر بإن الله، والناس هتقعد في البيوت ويتفرجوا على المسلسل زي ما حصل في (فهد البطل) و(حق عرب)، وإن شاء الله تحبوا (علي كلاي) زي (فهد البطل) 100 مرة.. الواحد بيجتهد وبيسيب الباقي على ربنا سبحانه وتعالى".
أشار إلى أن الشخصية الرئيسية في العمل، "علي كلاي"، سيكون ملاكمًا وابن بلد وجدع، مضيفًا: "علي كلاي أكيد هيطلع ملاكم، بس هيطلع ملاكم ازاي ده اللي هتشوفوه.. مش هعملكم نهاية صادمة زي كل مرة".
تابع: "علي كلاي هيطلع جدع وابن بلد، وبيضرب الناس كلها.. ما اسمه بطل ليه عشان يطلع كويس وجدع، والناس تقلده وتبقى كويسة زيه وتبقى عايز أخوك الصغير وابنك يبقى زيه.. مش ده دوري؟! هطلعه وحش؟ مطلعوش وحش، أنا مبطلعش وحش ، بطلع حلو".
اختتم حديثه: "والله العظيم هعملكم مسلسل بووم فوق النمرة واحد".
نرشح لك: موعد حفل علي الحجار بدار الأوبرا