فريدة سيف النصر تنتقد "وشم" المشاهير: "زي ختم الدبايح!"

انتقدت الفنانة فريدة سيف النصر رسم بعض المشاهير لـ"الوشم"، مشيرة إلى أنهم قدوة ويجب أن يبتعدوا عن هذه الموضة التي تغضب الله ورسولة، خاصة وأن الأطفال يرغبون في تقليدهم دائمًا وفي كل شيء.

كتبت "سيف النصر" عبر حسابها الرسمي على موقع التواصل الاجتماعي "فيس بوك": "ده رأيي الخاص، وكل واحد حر في نفسه، لكن لما يبقي أمر من رسول الله أن الواشم والواشمة ملعونين وغيرهم بس خلينا في دوول حاليًا، ولما ألاقي بنت صغنونة تقول ليّ عايزة أعمل زي دي، يعني أنتم مثّل وقدوة".

نرشح لك: رامي صبري يقدّم أداءً استعراضيًا خاصًا لأغنيته "تيجي نتصور"

أضافت: "إيه الموضه المستمرة البايخه دي؟! وبرده ده رأيي؛ بتقلدوا مين متهيألي زي ختم الدبايح بتاع اللحمة عند الجزارين، بس هما محددين المكان هنا بقي حسب ما حضراتهم عايزين يلفتوا النظر فين".

تابعت: "طيب ممثلين أهو بيعدوا مرة أو صور وبرده مش حلو.. إنما مذيعات قدام خلقتنا شئنا أم أبينا، مش كفاية اللبس والميك آب الكتير، كمان وشم!".

استكملت: " والله عيب بتثبتي إيه الروشنة؟! طيب اثبتي الأول أنك مُثقفة وتستاهلي قعدة الهواء وأنك مسؤولة قدام ربنا والناس.. قال (تاتو) قال، عيشوا عيشة أهاليكم!".