تعليق عمرو أديب على أزمة بوسي شلبي وأبناء محمود عبد العزيز

علق الإعلامي عمرو أديب على أزمة الإعلامية بوسي شلبي، وأبناء الراحل محمود عبد العزيز وما إذا كانت زوجته أم طليقته.

قال "أديب"، خلال برنامج "الحكاية"، المذاع عبر شاشة "MBC مصر": "العلم العام إن محمود عبد العزيز كان متزوجا من بوسي شلبي لحد آخر لحظة.. عائلة الراحل بتقول فيه ورقة طلاق سنة 1998، أنت دلوقتي بتقول إنهم كانوا عايشين بلا زواج سويا وهو أمر أنا استبعده عنهم".

تابع: "محدش يعرف يتحرك في الدولة غير لما تكون عنده الحالة الاجتماعية بشكل واضح.. العمرة لازم يكون معروف مين المحرم بتاعها".

نرشح لك: عمرو أديب: قطعة أرض بـ 100 مليون جنيه سبب خلاف أبناء محمود عبد العزيز وبوسي شلبي

أوضح: "بطاقة محمود عبد العزيز قبل سنة من وفاته هو متزوج.. متزوج مين؟ إلا لو فيه سيدة إحنا منعرفهاش..إحنا قدام قضية من أغرب قضايا الأحوال الشخصية".

أردف: "نحن أمام رجل محترم نأبى عليه أي أعمال غير أخلاقية، محمود عبد العزيز بطل من أبطال مصر وتم تكريمه من أعلى الجهات، وده مش مبالغة.. بيان الأبناء مع كل الاحترام ليهم بيقول دي كانت مديرة أعماله.. مديرة أعماله عايشة معاه في البيت وبيتعملها عيد ميلاد كل سنة؟ وموجودة معاه في كل السفريات؟".