شاهد.. حلا شيحة تدعو المتابعين للتفكر في خلق الله
تحدثت الفنانة حلا شيحة عن أهمية التفكر في خلق الله، موضحة أنها تقوم بذلك منذ صغرها من قبل أن تفهم معنى التفكر بسبب حبها للبحر والسماء.
نشرت "شيحة" مقطع فيديو عبر حسابها الرسمي على موقع التواصل الاجتماعي وتبادل الصور والفيديوهات "إنستجرام"، توضح فيه أهمية التفكر في خلق الله وتأمل منظر السماء والبحر، وقالت: "بصوا الجو تحفة، جميل جمال مش طبيعي ما شاء الله، دايمًا الواحد يقول سبحان الله".
تابعت: "أنا فاكرة جدًا من وأنا صغيرة كنت أحب موضوع التفكر، مكنتش أعرف أن ده تفكر، كنت بحب أصحى بدري وأقعد على البحر.. كنت بحب اوي أتفرج على شكل السما والمياه وبحب اتأمل فيهم وإزاي قد إيه البحر ده عظيم".
أضافت: "كنت ببص على البحر ودي من أول الحاجات اللي خلتني مؤمنة بربنا، كنت بقعد أفكر أنا مش شايفة ربنا طب ربنا فين؟ طب و موجود فعلا؟ وكنت صغيرة فوأنا قاعدة ببص على آخر البحر وأنه بييجي عند حتة كده نظرنا مش بيقدر يجيبها، وأكيد في حاجة بعده وده مش أخر المطاف".
أردفت: "اللي حصل معايا ودي حاجة من عند ربنا، فقولت سبحان الله أنا مش شايفة عشان أنا اللي نظري قاصر ومش شايف عشان أنا بشر، لكن أكيد رب العالممين شايف الناحية التانية.. اه احنا اه مش شايفينه بنظرنا إحنا، بس هو موجود".