كلمات أغنية "الجايزة الكبرى" لـ بهاء سلطان من مسلسل "كوبرا"
الأغنية من غناء بهاء سلطان ومن كلمات وألحان الموسيقار محمود طلعت، ميكس وماستر عمرو طلعت.
وجاءت بعض كلمات الأغنية كالتالي:
ما كفاية بواخة بقى يا دنيا ومتزهقنيش
لايميها خلاص ده أنا مش شايف وبقيت شيش بيش
عمال تشيلي وتهبدي فيا وأنا بعافر
بس اعتقيني لوجه الله وكفاية تلطيش
اطلع من حفرة ألاقيني نزلت في تلاتتين فحت
واخداني يا دنيا شوية لفوق وشوية لتحت
واقع في الخية لشوشتي ومش عارف افلفص
وبيتهيألي دي خلصانة اتاريني اتسوحت
ما تخفي يا دنيا شوية أومال بقى على كوبرا
ده في قلة بختي أنا واخد الجايزة الكبرى
دوختيني وعمال ألف أنا حوالين نفسي
أبقى في أسيوط فجأة ألاقيني في دوران شبرا
مسلسل "كوبرا" بطولة محمد إمام، مجدى كامل، محمد ثروت، أحمد فتحي، محمود عبدالمغنى، محمود البزاوى، أحمد عبدالحميد، أيمن عزب، صفاء الطوخى، دنيا ماهر، ألحان المهدى، منة فضالى، معتز هشام، علاء مرسي، هشام إسماعيل، محسن منصور، وعدد من ضيوف الشرف وتأليف أحمد محمود أبوزيد وإخراج أحمد شفيق.