بعد شهادة محو الأمية.. الحاجة عائشة تشكر "CBC" على تحقيق حلمها بذهابها للعمرة
قالت "فاضل" خلال مقطع فيديو من داخل الحرم المكي: "أنا متشكرة لقناة CBC وبرنامج (الستات ما يعرفوش يكدبوا)، لما ظهرت في البرنامج وقلت نفسي أروح عمره، استبشرت خير وقلبي طار من الفرحة لما قالولي هتروحي يا حاجة عائشة ورجالة مصر الجدعان اللي حققولي حلمي وخلوني شوفت الكعبة وبيت ربنا وأنا في السن دا وربنا يخليهم للناس الغلابة اللي زيي".
نرشح لك:قصواء الخلالي: الحوار الوطني منصة مصرية لتلاقي وجهات النظر
وكان قد عرض برنامج "الستات مايعرفوش يكدبوا" المذاع على "قناة CBC"، قصة كفاح الحاجة عائشة في منتصف شهر يناير الماضي، وهي سيدة مسنة حصلت على محو الأمية، وقالت: "نفسى أحصل على عمرة لأنى أحمل القرآن، وعمرى 84 سنة وأختم عمرى هناك، نفسي أزور الحبيب النبى صلى الله عليه وسلم حتى فى عمرة رمضان".
أضافت: "زوجت أبنائي قبل وفاة والدهم منذ 15 سنة، وكل واحد فيهم شق طريقة، وبيزوروني ديما ويقبلوا راسي وإيدي على ما قدمته لهم، وهما حنين بيجيبولي كل اللى نفسي فيه".
ودعت الحاجة عائشة لمصر قائلة: "يا رب تكون مصر فى رخاء وأمان ويخلي شباب مصر وجدعانها، وأنا فرحانة بحصادي اللى زرعته، ونفسي أقعد لوحدي في غرفة عشان أعلم الأطفال حفظ القرآن".