زوجته وأحمد أمين وآخرين.. طه دسوقي يشكر هؤلاء بسبب "حالة خاصة"
أعرب الفنان طه دسوقي عن شكره لكل من ساعده أو أشاد بدوره في مسلسل "حالة خاصة"، مؤكدًا على تقديره لهم ولدورهم في نجاح العمل.
قال "دسوقي" عبر حسابه الرسمي على موقع التواصل الاجتماعي "فيس بوك": "شكرا كلمة قليلة جدا على كم الحب والمباركات اللي جايالي منكم من أول عرض المسلسل وآسف لو ملحقتش أرد على ناس كتير"، مضيفًا: "بس حابب أشكر أولا كل اللي سهل عليا إني أعمل شغلي وأسف لو هيبقى بوست طويل شوية.
نرشح لك: اختيار إليسا في قائمة "فوربس" لأكثر النساء تأثيرا فوق سن الـ 50
وخصص الفنان الشكر بالاسم لعدد من الأشخاص الذين ساعدوه على نجاح العمل، وهم بحسب ما ذكرهم:
-شكرا لكوتش التمثيل نديم اللي اشتغلنا مع بعض على الدور.
-شكرا للجمعية المصرية للتوحد ودكتورة داليا سليمان اللي ساعدوني أعرف أكتر وجاوبوني على أسئلة كتير جدا عن التوحد وقابلوني بناس كتير على طيف التوحد من مختلف المراحل.
-شكرا عبدالله أشرف اللي قابلته في الجمعية وكان معايا في مرحلة التحضير وفادني جدا اني أتعرف عليه اكتر (بالمناسبة عبدالله دلوقتي شغال في تيم watch it).
-شكرا للصديقة الممثلة ملك ياسر اللي ساعدتني بمعلومات كتير عن التوحد وخاصة المرحلة اللي فيها نديم.
-شكرا لصديقتي الدحيحة / مراتي نادين اللي دايما في ضهري وتحمست معايا، وقعدت دورتلي على حاجات اشوفها وأقراها عشان اعرف معلومات أكتر
شكرا لسالي فايز ولكل فريق ginger.
-شكرا أستاذي واخويا الكبير أحمد أمين اللي مترددش لحظة انه يكون جنبي في أول حلقة من المسلسل واللي حقيقي من أكثر المشاهد اللي استمتعت بيها.
وأيضًا أشاد بدور فريق عمل المسلسل في دعمه، وذكر منهم:
-ثانيا شكرا لكل فريق العمل بداية من استاذ طارق الجنايني اللي اختارني وحملني مسؤولية أني أكون ضمن المسلسل ده.. مرورا بالمؤلف مهاب طارق اللي عمل حدوتة مهمة وسلط الضوء على فئة ناس كتير أوي متعرفش عنها حاجة وقرر إنه يضفر أحداثها بأغاني فرقة المصريين.
- المخرج عبدالعزيز النجار اللي أنا متأكد اني تعبته معايا. وكل فريق العمل اللي ورا الكاميرا من مهندسة الديكور سالي الشامي والستايلست فريدة فؤاد ومهندس الصوت عمرو عصام وصولا للمونتير اللي اشتغل عالمشروع بحماس ميقلش عن أي حد فينا كريم سعد.
-شكرا لكل كرو التصوير على رأسهم استاذ / محمد عبد الرؤوف.
-شكرا الأستاذة الكبيرة -مقاما مش سنا- غادة عادل على حبها واحترامها لشغلها ودعمها ليا في مسلسل زي ده.
-شكرا ومبروك لزمايلي على مجهودهم هاجر السراج - وئام مجدي - احمد أزعر - حسن ابو الروس - على السبع - لينا إيهاب.
-شكرا للعبقري هاني شنودة اللي ربط التجربة دي بالموسيقى بتاعته وبأغانيه وشرفنا كلنا بإنه يحط عليها إسمه.
واختتم طه، منشوره على فيس بوك، بشكر كل من بارك له أو أشاد بالعمل قائلًا: "وأخيراً شكرا تاني لكل حد كتب عن المسلسل او بعتلي أو باركلي وأتمنى باقي المسلسل يعجبكوا.. من قلبي شكرا".