عزة زعرور مذيعة mbc 3 تنجو بطفلها من الحرب الفلسطينية
روت المذيعة الفلسطينية عزة زعرور، مذيعة قناة mbc 3، تفاصيل تجربة سفرها هي ونجلها من فلسطين ليلاً، هرباً من تصاعد الحرب.
كتبت "زعرور" عبر خاصية الاستوري على حسابها على "إنستجرام": "حبايبي بعتذر كتير اختفيت عنكم من امبارح العصر لليوم، رح أوجع للتغطية وأنزل عن الوضع المأساوي في غزة والواقع الأليم لأهلها.. شي لا يصدق".
أضافت: "بنص الليل اضطرينا نطلع أنا وابني عشان نلحق الحدود.. لأنه إحنا كفلسطينين محرومين من أبسط الحقوق، مسموح لنا السفر من خلال معبر واحد فقط وهذا المعبر كان مغلق بالأيام السابقة".
أردفت: "ولأنه اليوم فقط رح يفوت ألف شخص، فكان لازم نقطع مشوار في مخاطرة تزامن مع دخول الجيش للمدينة اللي أنا فيها.. فيعني ساعات من بس حرق الأعصاب والتوتر، وطبعا هذا غير كل الحواجز اللي بنضطر نمرق عنها".
اختتمت: "حاليا كثير تعبانة جسديا ونفسيا لكنه لا يقارن باللي عم بعيشوه الناس في غزة، انقطاع كامل للكهرباء والماء والغذاء وقصف وشهداء في كل مكان وتدمير بنية تحتية.. قلبي معكم يا أحبتي".
