هنا الزاهد: بتأثر بالكلام السلبي للجمهور

تحدثت الفنانة هنا الزاهد عن علاقتها بزوجها الفنان أحمد فهمي، والشائعات التي تظهر عن انفصالهما مؤخرا.

قالت "الزاهد" خلال لقائها ببرنامج "الحكاية" مع الإعلامي عمرو أديب، عبر شاشة "mbc مصر"، إنها من الطبيعي أن يتحدث عنها الجمهور لأنها شخصية عامة، مشيرة إلى أنها تتأثر بالكلام السلبي الذي يقوله لها الجمهور.

أردفت: "أنا بتأثر جدا، بس مش لازم أبين إني اتضايقت، بسكت، أنا بحب حياتي الشخصية تبقى لوحدها وشغلي لوحده، لما بلاقي كومنت وحش بتأثر، لو حد عمل كومنت مش كويس ممكن ابعتله اسأله ليه يكتبلي كدا".

كما كشفت "هنا" عن سنها الحقيقي، موضحة أنها لا تحب أن تقوله، مكملة: "29 سنة محدش كان يعرفه، وقفني للسن ده مش عايزة أدخل على التلاتين، أنا بنبهر بحاجات الناس مبتنبهرش بيها".

أما عن شعرها فقالت إنها تخاف عليه كثيرا، وهناك الكثير من الأدوار التي تميل فيها إلى وضع باروكة حتى لا يتأثر شعرها سلبيا.

أكملت: "بشيل الهم لما بروح البحر، عشان بعد ما بخرج من البحر وشعري بينشف بيكون مش ألطف حاجة، هو بيبقى شبه علي ربيع لما بينشف من المية، مع إن شعر علي تحفة بس على بنت مش حلو".