كلمات أغنية "صاحبة عمري" لـ أمال ماهر
أغنية "صاحبة عمري" من كلمات أحمد المالكي، ألحان وفواصل موسيقية سامح كريم، توزيع أدهم دهيمة - إلهامي دهيمة، مكس و ماستر أحمد حسام، تسجيل غناء أكرم عادل.
وجاءت كلمات أغنية "صاحبة عمري" كالآتي:
عندي صاحبة فالزمن ده صعب تلقي منها
دي اللي واقفة جنبي سانده وعالسر تآمنها
لو زعلت حاسه بيا قبل حتي ما احكي
وفثواني تيجي ليا تجيب معاها ضحكي
صاحبة عمري وجنبي تملي
صافي القلب ومش بتشيلّي
اطلبها فثانية بتنزلي
وبتعملّي اللي يفرحني
المشكله قبل ماتوصلّي
بتخلصها وتيجي تقولي
حتي اما أغلط بتطبلي
ومابيني وبينها بتنصحني
دي عايشه طول حياتي
تدوس عاللي مضايقني
وبدعي طول حياتي
يارب ماتفارقني
عندي صاحبه ماسكة فيا مهما بِعدو عني
كله يمشي بس هي فقلبي وحته مني
لو فوسط ناس بلاقي المكان ناقصها
عُمر حد ف الغلاوة عندي ماينافسها
كم حدوته وكم سفرية
وخروجة ولف ب عربية
نزعل نفرح في اغنيه
بالايام دي بتفكرنا
صاحبة عمري وأمي وبنتي
بتعليني وحاسه بقيمتي
وهتفضل روحي وأنتيمتي
ولا في ايام هتغيرنا
يذكر أن الألبوم يضم 5 أغاني، وتم طرحه عبر منصة سبوتيفاي ومنصة يوتيوب، وهم: "أنا كويسة" و"أنا الحب" و"صاحبة عمري" و"الحكاية في مشهدين" و"كسبته الرهان".