كلمات أغنية "اللي من دمك" من فيلم "مرعي البريمو"
كلمات أغنية اللي من دمك
طرح الفنان محمد هنيدي أغنية جديدة من فيلم “مرعي البريمو” تحمل اسم “اللي من دمك” وشاركه في الغناء الفنان عبد الباسط حمودة والفنان أحمد شيبة، عبر صفحاته الرسمية على مواقع التواصل الاجتماعي.
الأغنية من كلمات رضا المصري، ألحان فارس فهمي.
وجاءت كلمات الأغنية كالتالي:
مين كان صاحبك مهما يحبك
يوم هيحل محل أخوك
لو فكرت تصدق نفسك
روح شيل اسمك من على أبوك
اللي من دمك في دمك
لو قرايب من بعيد
حتي لو تديله دمك
برضوا مش رايح بعيد
اللي من دمك في دمك
لو قرايب من بعيد
حتي لو تديله دمك
برضوا مش رايح بعيد
واللي يزعل مالصراحة
ميلاقيش في كلامي راحة
السكك واسعة و متاحة
يشوفله ناس بنظام جديد
أهلي دول ستري وغطايا
هما دول ضهري وحماية
لو حمولي علي تقلت
القى حد يشيل معايا
خدها مني ولازم أصارحك
أدي سرك للي منك
وري جرحك لأهل جرحك
مهما كان جرحك كبير
اللي ضايع أهله منه
روحه رايحة وغايبة عنه
والسنين مبترحموش
يبقي وسط الناس قليل
يلقى ليلة من الضهر ليل
يمشي صوته متسمعوش
روحي ردت والتقيتها
قسوة الأحزان نسيتها
لما جيت وسط الحبايب
ابتديت عمري الليلة دي
والنهاردة عيد ميلادي
بص شوف زمن العجايب
يذكر أن فيلم “مرعي البريمو” يعرض حاليا في السينمات، وهو من بطولة محمد هنيدي، وغادة عادل، وعلاء مرسي، ومصطفى أبو سريع ومحمد محمود، والعمل من تأليف إيهاب بليبل، وإخراج سعيد حامد.