مروة صبري تهاجم عارفة عبد الرسول بسبب “زرار البنطلون”: أحفادك يقولوا إيه؟

علقت الإعلامية مروة صبري، على الصورة التي نشرتها الفنانة عارفة عبد الرسول، عبر صفحتها الشخصية بـ فيس بوك، مرتدية بنطلونا وعلقت عليها: “نسيت زرار المنطلون”.

قالت مروة صبري خلال برنامجها “قعدة ستات” المذاع على شاشة “القاهرة اليوم”: “الموضوع بقى غريب اوي وبقى مخيف.. يقولك أصل أنا مش عايز تريند، حضرتك بشكلك وقيمتك عملتي كده ليه صورة زي دي Funny لأ مضحكش.. مع احترامي لكل الناس والمليون كومنت اللي دخل يقولها أنتي لذيذة وجميلة.. لأ أنا آسفة يا أستاذة عارفة الصورة دي مضحكش”.

نرشح لك: ردًا على انتقادات صورها الجريئة.. عارفة عبد الرسول: اللي بيديني مصروف يقطعه

تابعت مروة صبري: “الصورة دي لا تليق بحضرتك.. حضرتك فنانة جميلة وعظيمة متتصوريش صورة زي دي، وكان في صورة على البحر وعادي هي حرة، وفي ناس قالت إنها ناسية.. إزاي ياجماعة؟ هي منزلة الصورة وكاتبة.. الفنانة عارفة عبد الرسول جدة أحفادها يقولوا إيه؟ أو يتصوروا ازاي؟!”.

استكملت: “تخيلوا لو فنانة صغيرة في السن وعملت التصرف ده مكنش حد كان هيعديهالها والسوشيال ميديا كانت هتتقلب وهتعيش تريند والناس تطلعها على المسرح.. تعددت الأسباب والتريند واحد”.

برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة. مرتدية بنطلونا وعلقت عليها: “نسيت زرار المنطلون”.