عمر كمال منتقدا الفنانين: الصحفيين والمراسلين بني آدمين زينا
انتقد مطرب المهرجانات عمر كمال تصرفات بعض الفنانين الذين يتعاملون بشكل سئ مع الصحفيين والمراسلين والعاملين بمجال الإعلام.
نشر “كمال” عبر حسابه الشخصي على موقع التواصل الاجتماعي فيس بوك، وكتب: “الصحفيين والمراسلين دول بني آدمين على فكرة وبيحسوا وعندهم شعور زينا دي معلومة فايتة فنانين كتير!”.
نرشح لك: كلمات أغنية “قلب خسة” لـ عمر كمال وأيتن عامر من فيلم “ساعة إجابة”
تابع: “يبقى الفنان أو المنتج بتاعه أو مدير أعماله داعي الميديا صحافة وقنوات ومواقع يغطوا الحدث بتاعه سواء فيلم أو أغنية أو أي عمل والناس تيجي تعمل شغلها.. تلاقيهم بيعاملوهم بمنتهى قلة الأدب والذوق”.
استكمل: “شاب/ شابة يا عيني تلاقيه جاي موصلات ولا واخد عربية على حسابه ومستني الأستاذ بالساعات ويا ريتهم بيجوا في مواعيدهم لازم التأخير كام ساعة عشان خاطر النجومية تظبط والكاريزما.. ويتنطط عليهم ويحرجهم وكأنهم بيتطفلوا عليه مثلا ما هما جايين عشان يساعدوك في نجاحك هما مش أعدائك!؟ اللي يحرجك أحرجه واللي يتنطط عليك سيبه وأمشي، أنت بترضى على نفسك كده ليه مش فاهم؟!”.