كلمات أغنية "لون باهت" لـ محمد شاهين
طرح الفنان محمد شاهين أغنيته الجديدة “لون باهت” عبر قناته الرسمية على موقع يوتيوب.
الأغنية من كلمات محمد شافعي، ألحان وتوزيع إسلام رفعت، تسجيل ومكس وماستر ماهر صلاح، جيتارات مصطفى أصلان، باص جيتار سيكا، تأليف وتريات إسلام رفعت، إنتاج قنوات ميوزيك.
نرشح لك: استمع.. أغنية “لون باهت” لـ محمد شاهين
وجاءت كلمات الأغنية كالتالي:
دايماً زعلان وكانك كاره أيامك
جواك أحزان ومحدش حاسس أحزانك
على طول سرحان بتداري في ايه
أيام وخلاص بتعيشها ومش حاس بحاجة
كنت باخلاص بتحب وتعشق بسذاجة
ملقتش أمان نفسك تلاقيه
بتدمَّع ليه والدنيا في عينك لون باهت
طب حاسس ايه اتكلم طيب ليه ساكت
جرَّب تحكي فضفضلي يا قلبي وقول مالك
بتبان مبسوط ازاي وانا عارف أحوالك
خايف من ايه اتكلم عبر عن خوفك
بطل تداريه ما الناس هتحسه اما تشوفك
الخوف بيبان صعب تخبيه
بتحن لمين مشتاق والذكرى بتتلون
والناس ناسيين ولوحدك فاكر ومدون
فيك جرح قديم ليه بتصحيه
بتدمَّع ليه والدنيا في عينك لون باهت
طب حاسس إيه اتكلم طيب ليه ساكت
جرَّب تحكي فضفضلي يا قلبي وقول مالك
بتبان مبسوط ازاي وأنا عارف أحوالك