أبرزها عن أعمالها المنتظرة.. 8 تصريحات لـ ليلى علوي
أجرت الفنانة ليلى علوي، لقاء تلفزيونيا عبر برنامج “صباح العربية”، مع المراسل رافي بوغصيان، وتحدثت خلاله عن أعمالها المنتظرة، وكشفت مصير فيلمها “التاريخ السري لكوثر”، فيما تحدثت عن سبب حبها للموسيقى.
وجاءت تصريحاتها كالآتي:
1- أنا إحدى المعجبات بشيرين عبد الوهاب، فهي فنانة عظيمة وصوت مميز جدا ولها تاريخ كبير، “وعمره ما هيتأثر بأي حاجة.. فرحانة إن إنتي موجودة على المسرح وبنشاطك جدا جدا، ومستنين منك كل ما هو جديد ورائع”.
2- أشكر مهرجان هوليوود للفيلم العربي على تكريمي بجائزة عزيزة أمير، “المهرجان ده له تاني سنة، واللي عاملين إدارة المهرجان وتنظيمه مجتهدين جدا كلهم شباب مصريين وحابين السينما، جايزة عزيزة أمير عزيزة على قلبي جدا جدا وبشكر المهرجان عليها”.
3- تصوير فيلم “التاريخ السري لكوثر” استغرق مدة كبيرة، إلا أنه جاهز حاليا للعرض، “لكن للأسف معتقدش إن هو هينزل في السينمات، وأعتقد هينزل منصات فقط.. فيلم مختلف”.
4- أحب جمهوري، وأشكره كثيرا على دعمه لي، “لأن هما بيدوني طاقة وتشجيع من أول يوم مر في حياتي.. مرت عليا أجيال سعيدة بيها، يارب دايما أكون عند حسن ظنكم وتشوفوا كل جديد وممتع”.
5- لدي عدة أعمال في الفترة المقبلة، “بحضر فيلمين ونازلة على تصوير فيلم لأيتن أمين، هي مخرجة مميزة جدا والسيناريو جميل ومختلف إن شاء الله.. يارب نتوفق”.
6- أحببت الدراما الرمضانية هذا العام، “في تطور الحمد لله وإنتاج الدراما السنادي كان هايل، أنا اتفرجت على مسلسلات في رمضان لاقيت إن في اختيارات كتير للجمهور، اللي عايز كوميدي هيلاقي اللي عايز صعيدي هيلاقي واللي عايز أكشن هيلاقي.. فأنا شايفة إنها كانت من السنوات اللي ناجحة جدا للدراما المصرية والعربية أيضًا”.
7- أحب الموسيقى كثيرا، “أنا بشتغل من وأنا طفلة في برامج الأطفال، وكنا بنغني وبنرقص وبنعمل مشاهد تمثيلية فيها، عشان كده ده موجود جوايا، أنا بعشق المزيكا بتحرك مشاعري وإحساسي، بتغير مودي، وبتديني طاقة إيجابية جدا”.
8- أحب الكثيرين من نجوم هوليوود، إلا أن ميريل ستريب هي المفضلة لدي.
نرشح لك: ليلى علوي عن محمد منير: طيب ويستحق كل خير
