كلمات أغنية "طوق نجاة" لـ محمد رمضان من فيلم "هارلي"
طرح الفنان محمد رمضان أغنيته الجديدة “طوق نجاة” من فيلم هارلي الذي يعرض حاليا في السينمات.
الأغنية من غناء محمد رمضان وهي على طريقة الراب، ويوجه من خلالها رسالة توعية للشباب حول مخاطر الإدمان.
نرشح لك: شاهد.. محمد رمضان يقلد السادات وأحمد زكي
جاءت كلمات الأغنية كالتالي:
شاب عادي في بدايته كانت حياته بألف لون
كان بيجري ويا حلمه قال أكون أو لا أكون
كان فاتح للدنيا صدره
طيش طموحه زاد جنون
جه ذكائه في لحظة خانه فجأة لعبت بيه الظنون
أيوة أنا الشاب اللي لعبت الظنون الكورة بيه
أيوة أنا اللي رسمت حلمي واللي ضيعه بإيديه
أيوة أنا اللي ناديتله سكة زغللت قوام عينيه
شافها جامدة في بدايتها بس كان آخرها إيه
چوب صب كاس في حب عاش يا بوب خد كمان شد سطر روح يا قطر بان أسد لا تبان جبان
أي حاجة تيجي راشق أيوة راكب على السلام كانت أموري راسية ماشية ايدي شادة على اللجام
فجأة خيل خيالي خاني قام صادمني وبغباء
المسيطر نخ وطى والمزاج ركب وساق
خلى كفة كيفي غالبة خد غلاوة أمي ليه
جابني غمى عيني ساقني خدني عبد بين أيديه
ضرب ضرب ضرب ضرب هو ده اللي في القاموس
عيشت عمري جوة حرب كل همي اجيب فلوس
في اللي حلت منه فوت في اللي مات مفيش دروس
جوة دايرة خد وسقط عيشت بمبدأ يلا دوس
صاحبي الفلوس حتى اللي مني لو جنيه بخطف قوام
في اللي كارهك واللي حبك
حب ايه بنهي الكلام
مات ضميري قلبي مات والحلال دفنه الحرام
الشيطان من فعلي سقف قال عليا واد تمام
كله فك مني سابني شافني عقرب سمه موت
جيبي لو في مرة خاني كيفي نفسه يسبني أموت
يأسي نشن فيا صابني غول وساقني بالريموت
سحلة طول اليوم وآخره في أوضة أقرب من التابوت
نفسي ألاقي تاني نفسي
نفسي أحس بالحياة
نفسي جوة بحر يأسي يتحدفلي طوق نجاة
ليه بشوف في عينيكوا إني حد مفقود فيه الأمل
ده اللي موت 100 توبته كانت بنية واتقبل
يا حياة احدفيلي طوق نجاة يا حياة
يشار إلى أن الفيلم إنتاج سامر المحضر ومنتج منفذ شوميديا “محمود الشيخ”، وإشراف عام رياض المزهر، وإشراف عام على الإنتاج “رويال صن” محمد ناصف، وتوزيع بدول العالم “ان ستار” وإخراج محمد سمير وتأليف محمد سامي ومحمد سمير مبروك، ومدير تصوير احمد عبد القادر، وبطولة محمد رمضان، مي عمر، محمود حميدة، أحمد داش، مي كساب، إسماعيل فرغلي، حسني شتا.
تدور أحداث الفيلم حول “هارلي”، مهندس الميكانيكا الذي يعود من الخليج مع عائلته لاستكمال دراسته بمصر، ويقوده ذكائه وسرعته إلى العمل مع إحدى العصابات، ويصبح العنصر الأبرز والأقرب إلى زعيم العصابة.
عرض للفنان محمد رمضان في شهر رمضان الكريم، مسلسل “جعفر العمدة” بطولة محمد رمضان، زينة، هالة صدقي، إيمان العاصي، مي كساب، منة فضالي، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبد الله، إحسان الترك وضيف الشرف بيومي فؤاد، ومن تأليف وإخراج محمد سامي، وشارك في السيناريو والحوار مهاب طارق وإنتاج شركة ميديا هب سعدى – جوهر.
تدور الأحداث في إطار اجتماعي شعبي، حول جعفر العمدة (محمد رمضان) وهو في العقد الرابع من عمره، متزوج بـ3 سيدات، ويمتلك شركات للمقاولات ويدخل فى العديد من الصراعات سواء في عمله أو بعيدا عن العمل، ثم يقابل خلال مشواره “عايدة” (زينة) ويتعرف عليها وتنشأ بينهما قصة مليئة بالمفاجآت، كما يعيش جعفر مأساة تستمر عدة سنوات بعد فقدان ابنه واختطافه من قِبل مجهولين، ولا يعرف إذا ما كان حيًا أو أصابه مكروه.