الأخيرة

رفضت أدوار بسبب السخرية من وزنها.. أبرز تصريحات إنجي وجدان في “كلمة أخيرة”

حلت الفنانة إنجي وجدان ضيفة على برنامج “كلمة أخيرة” الذي تقدمه الإعلامية لميس الحديدي على قناة “ON”، مساء أمس الاثنين.

تحدثت “وجدان” خلال اللقاء عن سبب إطلاقها رسائل “أنتي جميلة زي ما أنتي”، ورغبتها في مكافحة ومساعدة الفتيات في مواجهة ما يتعرضن له من ظواهر تنمر سواء على مواقع التواصل الاجتماعي أو من بعض الأزواج، وأسوا المراحل التي تعرضت لها بسبب زيادة الوزن، وغيرها من الموضوعات.

وفيما يلي نستعرض أبرز تصريحات الفنانة إنجي وجدان خلال لقائها مع الإعلامية لميس الحديدي:

١- ما دفعني لإطلاق رسائل “أنتي جميلة زي ما أنتي” هو ما تلقيته من رسائل من متابعين من فتيات وسيدات، قالوا لي فلان بيتريق علينا أو هنتحر أو جوزي هيطلقني عشان تخنت، وبالتالي البداية أنك تحبي نفسك وتثقي في نفسك وبالتالي هتعملي زي اللي أنتي عايزاه.

٢- “كنت بكتئب من الهدوم لما تضيق عليا بيجيلي اكتئاب وكنت بضطر ألبس حاجات واسعة وهي أخطر مرحلة عشان كده بقول للبنات لما تتخنوا بلاش تنزلوا تشتروا هدوم جديدة”.



٣-
“أنا من الناس اللي نجحت تعمل بلوك لفكرة التنمر بالأخص مع انتشار ظاهرة التنمر وتحديدا مع الفنانين وأنا سمعت تعليقات سلبية شديدة السوء ولكني تعلمت من التجربة أن الأمور دي ماتعملش ضغط عليا وما تفرقش معايا، وتقريبًا الناس اللي بتمارس التنمر على السوشيال ميديا عندهم حد بيتنمر عليهم فبيمارسوا ده بشكل عكسي ضدنا وأنا دربت نفسي أتعامل مع القصة عشان زمان كنت بأصاب باكتئاب وأقعد أعيط بس وصلت مع التجربة أني لا أتأثر بالتعليقات السلبية”.

نرشح لك: إنجي وجدان: مش عيب أعمل عملية تخسيس

٤- “طول الوقت بفكر في عمليات التجميل ومش عيب أعمل عملية عشان اخس وأنا حاسة إن مناخيري كبرت بعد ما خلفت ابني إسماعيل وده لاحظته في مقارنة أعمالي بعد إنجابه بما قدمته قبل الولادة”.


٥- لدي بنت وولد اسمهما نازلي وإسماعيل، وأعتبرهما سر استمراري في الحياة رغم ضغوط ومسئوليات الأمومة وضغوط المزاكرة والدراسة، فهما سبب استيقاظي سعيدة كل يوم.

٦- هناك 3 مدارس للتعامل مع الأبناء، الأولى هي العقاب والتوبيخ، والثانية هي الحوار والنقاش، والثالثة هي مدرسة ضرب الأبناء، لكن أنا أتبع في تربيتي لأبنائي أسلوب يمزج بين مدرسة العقاب ومدرسة الحوار، لكن لا ألجأ لمدرسة الضرب أبدا.

٧- “نفسي كل الأبهات والأمهات يحبوا أولادهم ويقولولهم بنحبكم، ويحضنونم ويبوسوهم حتى لو هنتخانق معاهم.. لأن الطريقة دي بتفرق كتير”.

 إنجي وجدان



٨-
“مش خايفة من سن الأربعين خالص، الحاجة الوحيدة اللي مضيقاني إني بقعد أقول لصحابي وقرايبي أنتوا بقيتوا في الأربعين وأنا لسه في التلاتين، دلوقتي هبقى زيهم”.

٩- “أنا من الناس اللي اشتغلت على نفسي كتير عشان أتقبل نفسي، يعني ممكن أقف قدام المراية أكلم نفسي وأرد عليها، وأسأل نفسي هو إيه اللي وحش فيا؟”.

١٠- أشعر طوال الوقت أن المخرجين يريدون حصري في منطقة معينة فيما يخص الأدوار تتعلق بشكلي ووزني، لكني أرفض طوال الوقت أي أدوار تحمل أي سخرية من شكلي.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock