أمين الفتوى: بداية العام الميلادي هو يوم مبارك

قال الدكتور أحمد ممدوح، أمين الفتوى بدار الإفتاء المصرية، إن يوم رأس السنة هو يوم من أيام الله، وهو بداية العام الميلادي الجديد، موضحا أنه جرى العرف بتهنئة الناس به ولا يوجد ما يمنعه في الشريعة.

أضاف “ممدوح” خلال لقائه في برنامج “من القلب للقلب” المذاع عبر شاشة “mbc مصر 2” وتقدمه الإعلامية إيمان رياض: “هذا اليوم المبارك يوم من أيام الله وهو بداية السنة الميلادية الجديدة لما بنهنئ أنفسنا ونهنئ غيرنا بالعام الميلادي الجديد ده عرف جرى عليه الناس ومفيش حاجة في الشريعة بتحرمه”.

نرشح لك: بمناسبة شهر رمضان.. تبكير صرف مرتبات مارس

أشار: “ده مش عيد ديني، بنقول متعملش كده عشان متبقاش بتحتفل بعيد بيخالف دينك، ده عيد اجتماعي يشترك فيه المسلم وغير المسلم، نهنئ أنفسنا بمرور عام جديد وبنستعمل فيه عبارات لطيفة، فبنقول كل سنة وأنت طيب وكويس وبخير وسلامة، والعبارات دي فيها تودد وتحبب ونوع من أنواع التواصل الاجتماعي”.

أردف: “النبي صلى الله عليه وسلم لما كان في المدينة رأي اليهود يصومون يوما ما، اللي هو يوم عاشوراء فسأل لماذا يصومون يوم عاشوراء؟ فقالوا هذا يوم نجي الله موسى من فرعون، مقالش بقى وأين الدليل اليقيني أن هذا هو اليوم، وفين الأسانيد اللي بتثبت ده، تجاوز هذا تماما وقال نحن أولى بموسى منه وأمر بصيامه”.