كيف نحافظ على الطيبة رغم الأذى؟ مصطفى حسني يجيب
أجاب الداعية مصطفى حسني على سؤال ورد إليه من متابع، يسأل فيه: كيف نحافظ على طيبة القلب رغم الأذى اللي بنلاقيه من الناس؟
قال حسني في مقطع فيديو نشره على حسابه عبر موقع إنستجرام، إنه للحفاظ على طيبة القلب بالرغم من التعرض للأذى من شخص ما؛ يكون بألا نحمل طيبة قلوبنا أخطاء الناس.
نرشح لك: مصطفى حسني: لو بتمر بمحنة كبيرة لا تتوقف
أوضح: “متحملش طيبة قلبك أخطاء الناس.. اللي أذاك أذاك لأنه مؤذي واللي غدر بيك عمل كده لأنه غدار والخاين خانك لأنه هو اللي خاين وشريكك اللي سرقك لأنه هو اللي حرامي مش عشان انت طيب”.
أضاف: “انت لازم تفضل طيب، انت ممكن تحط جنب طيبتك شوية حرص ووعي وخبرة في معاملات الناس، لكن متتخلصش من طيبة قلبك عشان تعرف تعيش.. لو تخلصت من الطيبة تبقى قاسي والنبي قال إن أبعد القلوب عن الله القلب القاسي”.
في نفس السياق قال مصطفى حسني: “الطيبين دول أتباع الأنبياء وهيحشروا مع الأنبياء والأنبياء أشهر صفة فيهم إنهم كانوا طيبين.. تعلم ألا تنتظر الملائكة من كل البشر.. فيه بشر زي الملايكة وفيه بشر محتاج تبقى واعي تبقى طيب وجنب الطيبة تبقى حريص شوية”.
View this post on Instagram
