"زنق عليا بعربيته".. محمد أبو بكر يروي قصة شخص تاب على يده
روى الشيخ محمد أبو بكر، قصة شخص تاب على يده بعدما شاهد حلقتين من برنامجه “إني قريب”، عن طريق الصدفة.
قال “أبو بكر” خلال حلقة اليوم من برنامج “إني قريب” المذاع عبر شاشة النهار: “كنت ماشي في أحد الأماكن وفي واحد زنق عليا بعربيته، اضطريت أركن وأنزل، فقال لي أنا شوفت لك آخر حلقتين فاترعبت، وبدء يحكي لي أنا كنت بعمل وأسوي، وبعدين لما قعدت وسمعتك عشان كنت تعبان لأن إجازتي الأحد مش الجمعة، لكن قدرا كنت تعبان في الجمعتين ومقدرتش أنزل فقعدت أسمعك”.
نرشح لك: “الإفتاء”: سرقة التيار الكهربائي حرام شرعا لتلك الأسباب
أضاف: “قالي وأنا بسمعك قولت إحنا هنقف قدام ربنا إزاي؟ وإزاي ربنا هيحاسبني على اللي أنا بعمله؟ قالي والله لساني كان طويل وسب الدين عندي زي الرز، بدأت اظبط لساني وأفكر في كل كلمة وإني هقول لربنا عليها إيه، وحسيت أن الأمر صعب وأن اليوم أسود مش معدي”.
أشار: “قلت له أنا بكلمك عن رب رحيم وغفور أوي، رب لو هتكلم أنا عن رحمته ومغفرته فلساني عاجز، رب محدش يعرف يتكلم عن رحمته ومغفرته إلا هو، مهما كان الذنب والجرم بتاعك أدام متعلقة بالله ومش متعلقة بعبد، اللي بوعدك بيه بمغفرة الله وعفوه ورحمته، اللي متعلقة بحق الله حق فلان مقدرش، لأن ربنا بذاته مداش لنفسه الحق أنه يعفي فيه”.