محمد نجاتي: أرفض ارتداء بدلة رقص علشان دور
كشف الفنان محمد نجاتي، أنه يحلم بتجسيد كل المهن والشخصيات الموجودة في المجتمع بلا استثناء.
وقال نجاتي، في برنامج “مطلوب للرد” الذي تقدمه المذيعة آسيا محمود، عبر قناة “الشمس”: “مش معنى إني عايز أقدم كل الأدوار، إني أقبل ألبس بدلة رقص عشان خاطر دور.. أنا مش هعمل كدة واشتغل رقاصة عشان دور”.
نرشح لك: محمد نجاتي: إنك تعمل ترند أهم من إنك تعمل مسلسل!
وتابع: “أنا عندي اللي لسه هقدمه وأنا مشخصاتي مش ممثل”.
وعن الأقرب له بالوسط الفني، فأوضح: “أنا وحمادة هلال أصحاب من واحنا صغيرين واتربينا مع بعض، وهو أقرب حد لي في الوسط”.
وحول النجوم الذين يتمنى العمل معهم، قال نجاتي: “كان نفسي اشتغل مع الأستاذ عادل إمام والدكتور يحيي الفخراني، ويارب تيجي الفرصة وأشتغل معاهم”.
جدير بالذكر أن برنامج “مطلوب للرد” يذاع على قناة الشمس، من إنتاج أحمد جرادة وتقديم اسيا محمود.