خالد الجندي: ادعوا للمسؤولين بالتوفيق

انتقد الشيخ خالد الجندي، مزاية البعض على بعض أفعال الخير التي يتم فعلها، حيث يستعين البعض بمقولة (لقمة في بطن جائع خير من بناء جامع).

قال “الجندي” خلال برنامج “لعلهم يفقهون“، مساء الخميس، المذاع عبر شاشة “dmc”: “في ناس مبتفتكرش بطن الجائع إلا وأنت رايح تصلي أو تبني مسجد ويتقلك إيه الإسراف، مبيفتكروش الكلام دا وقت شراء الشاليهات وطابور الـBMW المستفز دا، الناس هتدفع ملايين دا حلال محدش قالهم حاجة، محدش قالهم كده وهما بيشتروا الدهب بالقناطير، الناس اتسرعت على الدهب، وتذكرة مطرب من إياهم دول تأكل 3 أسر”.

نرشح لك: الإفتاء: الزوجة الصالحة تذلل كثيرًا من الصعاب لزوجها

أكد الجندي أن الكلمة مسؤولية سيحاسب عليها الإنسان، وما يحدث من تقديم معلومات مضللة عن الدولة أو المسؤولين لأهداف مغرضة غير جائز وليس به مسؤولية. متابعا: “المسؤولين دول بشر، لازم نشجعهم لما يعملوا معروف ونشد على إيديهم لما يعملوا حاجة صح، لازم ندعيلهم عشان يستمروا في إنجازاتهم.. لما نقولك ادعي لرئيس الجمهورية، أنت بتدعي لقائد المركبة وبالتالي بتدعي لركاب المركبة كلهم.. إنما لما كل واحد ينظر، تقول عليه العوض ومنه العوض مفيش أمانة للكلمة”.

أضاف: “لما بنتكلم على إنجازات المسؤولين بيتقالنا أنتوا بتطبلوا، سيبكم بقى من المدرسة القديمة بتاعة أنتوا بتطبلوا دي.. إحنا مبنطبلش لحد، وأنا شخصيا منفعش لمنصب وزاري ولا كفتجي، الوزراة اللي برسم عليها هي القبر، ربنا يحسن ختامي، دا الوزراء في كرب.. وادعوا للمسؤولين ربنا يوفقهم ويمنع عنهم الحرام، نضفوا قلوبكم ومتسمعوش الكلام دا”.

خالد الجندي: