يشرفني أبقى محجبة.. ميمي جمال ترد على شائعات اعتزالها

ردت الفنانة ميمي جمال، على شائعات ارتدائها الحجاب واعتزالها الفن، موضحة أنها ظلت 5 أو 6 سنوات لا تعمل بعد وفاة زوجها الفنان حسن مصطفى، وكانت قد ذهبت معه لأداء مناسك العمرة أكثر من مرة، لذلك كان لها صور بالحجاب.

أوضحت “جمال” خلال مداخلة هاتفية في برنامج “حضرة المواطن” المذاع عبر شاشة “الحدث اليوم” ويقدمه الإعلامي سيد علي، أن صورها بالحجاب كانت أثناء أداء مناسك العمرة، لافتة: “أنا اتشرف طبعا إني أبقى محجبة، بس الصور دي أيام ما كنت بعمل العمرة مع جوزي”.

أشارت: “حكاية الاعتزال أنا معتزلتش وكل الكلام اللي بيتقال إن في فترة سألوني بتشتغلي ولا لا قولت لهم أنا مش عايزة أشتغل، فاعتبروا أن ده اعتزال، لكن لا، أنا بعد ما جوزت بناتي لقيت نفسي مبفهمش في أي حاجة في الحياة إلا التمثيل، مبعرفش أعمل حاجة تانية”.

أردفت: “أول واحدة كلمتني كانت لميس الحديدي وقالت عايزين نعمل لك برنامج ونتكلم عن أعمالك والممثلين القديم والجديد، أنا قعدت على الكرسي والكاميرا اتحطت في وشي روحي رجعت فيا، ابتديت أحس ليه لا؟ ما أنا عايشة لوحدي منها أبقى بتسلى وبشتغل”.