عمرو عبد العزيز يكشف تفاصيل تعرضه لأزمة صحية
كشف الفنان عمرو عبد العزيز عن تعرضه لأزمة صحية مفاجأة، موضحا تفاصيل ما حدث معه.
نشر “عبد العزيز” عبر حسابه الشخصي على موقع التواصل الاجتماعي فيس بوك، وكتب: “فعلا والله العظيم البنى آدم ده بوق ومفيهوش غير لسان، دخلت نمت وكنت متضايق شوية وفجأة قومت زي ما يكون في حد بيشدني ومش عارف اخد نفسي”.
نرشح لك: تعليقات مشاهير الفن والإعلام على فوز المنتخب السعودي
تابع: “كلمت أمي على الموبايل بهدوء بقولها عشان ماتتخضش (عمال انده عليكي وأنتي سمعاني يا حبيبتي تعاليلي عايزك)
قولتلها (ممكن بعد أذنك جهاز الضغط عشان مش عارف اخد نفسي)”.
استكمل: “جريت جابت الجهاز وبتقيسلي الضغط ووش أمي ده تحول إلى اللون الأصفر
الضغط ١٧٥/١٥٥ وضربات القلب ١٥٤
كلمت الصيدلية وجه صيدلي اداني كام دوا كده مش فاهمهم وحطلي ماسك كده عشان اعرف اتنفس، وقالها لو ضغطه مانزلش يفضل يروح مستشفى، بس الحمد لله دلوقتي أحسن، الخلاصة من الهري اللي حكيته ده إن الإنسان ده فعلا كائن ضعيف ومفيهوش غير لسان”.