رأي علي الحجار في غناء ويجز

كشف الفنان علي الحجار عن رأيه في أغاني المهرجانات والراب، موضحا رأيه في بعض المطربين مثل ويجز.

قال “الحجار” خلال لقائه مع برنامج “الحكاية” المذاع على شاشة mbc مصر، ويقدمه الإعلامي عمرو أديب: “سمعت ويجز طبعا، بيغني كلام جيله، هو حر، الكلام قايم على سرعات إحنا مش متعودين عليها، بس لما بتروح أي فرح لازم تسمع الحاجات دي فلازم تعود ودنك عليها”.

نرشح لك: 60 نجمًا ونجمة مع خالد يوسف في مسلسل “سره الباتع”

أضاف: “مش عادي إني اسمع ويجز يعني أنا كبير على السن ومتربي على عبد الوهاب وأم كلثوم، اللي هو بيقوله لايق عليه، ويجز عالمي يعني بيعمل بالملايين”.

أشار إلى أن الفنان أحمد مكي يغني راب محترم جدا، مضيفا أنه يختار كلامه، وأن ما يقدمه له موضوع وهدف.

أردف: “إحنا دايما بنقول أن المزيكا بألوانها المختلفة لازم نسمعها ونحترمها أيا كان ده ذوق أنا متربي عليه أو ده ذوق مثلا جيل تاني، مثلا لما شوفت مسلسل “بـ 100 وش” وفرقة المدفعجية عملوا تتر رائع، وهو ما بين المهرجانات على الراب بس معمول حلو أوي ويفهمك معنى المسلسل، ليه علاقة بالمسلسل”.

ذكر أنه لا بد أن تضع نقابة الموسيقيين اختبارات قبل القبول في شعبة الأداء الصوتي التي أقرها النقيب مصطفى كامل، مضيفا: “في النقابة المفروض قبل ما يعتمدوا أن في باب لغنا المهرجانات لازم يمتحنوا ويشوفوا هيعرف يغني ولا لاء”.