نورهان قنديل عن ارتدائها الحجاب: بلاش أحكام لأني مش مستباحة!

علقت خبيرة التغدية والبلوجر نورهان قنديل، على التعليقات التي وردت إليها عقب إعلانها ارتداء الحجاب، موضحة أن الله سبحانه وتعالى له حكمة في تعليق قلبها بالاحتشام، موضحة أنها لا تريد نصائح أو أحکام، أو توجية وتعديل على مظهرها لأنها خياتها ليست مستباحة ولا يحق لأي شخص التدخل بها.

كتبت “قنديل” عبر حسابها على موقع الصور والفيديوهات “إنستجرام”: “أنا محتاجة أطلب منكم طلب، أنا من يوم ما ظهرت بالحجاب وأنا متكلمتش في الموضوع أكتر من أن ربنا هدى قلبي للخطوة دي، وأكيد ليه حكمة أنه يعلق قلبي بالاحتشام من قبل الحجاب كمان، متكلمتش في أي حاجة تانية ولا قدرت أرد على أي تساؤلات إيجابية أو سلبية لأني زي ما قلت برضه أنا بدور على نفسي و عايزة أبقى شبه روحی وأمشي ورا قلبي، وإحساسي أكتر”.

أوضحت: “يا جماعة ارجوكوا كفاية تعليقات، نصایح، أحکام، ضغوط، رسایل، توجية وتعديل على شكلي، أو مظهري مش معنی إني أصبحت إلى حد ما شخصية عامة إني بقیت مستباحة لأي تدخل بأي صورة، أنا مش بتدخل في حياة حد ولا قراراته الشخصية علشان الأقي يوميا كمية رهيبة من رسائل التدخل عارفة أن في منها بدوافع جيدة وعايزين الأحسن ليا بس أنا أم وزوجة وبقيت مضغوطة على المستوى الشخصي في الوقت اللي أخدت فيه قرار علشان أبقى مرتاحة”.

 

أشارت: “ربنا بيشوفنا من جوا من قلبنا، عارف نيتنا وسامع ضميرنا، بلاش ننسى أن كلنا هنتحاسب اللي لابسة مقفول واللي لابسة مفتوح، ومحدش عارف إيه النهاية يا ريت نسيب كل حد في حاله وبلاش مزايدة وتجريح وتعالي على حد”.

أردفت: “لو أنت شايف نفسك أحسن منه في حاجة وبلاش برضه تهليل لحد وتوقعات زيادة لو شايفه أحسن منك في حاجة، لأنك في كل الأحوال مش شايف الصورة كاملة، المهم أنا عارفة ومتأكدة والحمد لله أن في ناس استفادت في يوم من محتوايا وأن في ناس هتستفيد طول ما أنا قادرة أكمل دعواتكوا”.