عفروتو يعلن إلغاء الغرامة الموقعة عليه من "الموسيقيين"

شدوى ممدوح

قال مطرب الراب عفروتو، إن تعرضه للإيقاف كان بسبب سوء تفاهم ليس أكثر.

أضاف عفروتو خلال مداخلة هاتفية له مع الإعلامية لميس الحديدي، في برنامج “كلمة أخيرة“، المذاع عبر قناة “ON“: “كنت موقوف عشان ماحضرتش الميتينج الأول للنقابة اللي كان حضره الشباب بتوع المهرجان أو أيا كان المسمى إيه.. محدش دعاني فكانوا مفكرين أن حد كلمني وأنا ماجتش بس ده محصلش فسيادة النقيب مصطفى كامل أول ما عرف أن محدش قالي حاجة قالي لا حرام ولازم تعمل التماس ونتكلم في الموضوع ده“.

نرشح لك: مصطفى كامل: كنا متعسفين بإلزام مطربي الراب بـ 12 عازفا

أضاف: “شال الغرامة كلها بصراحة وماحطش عليا ولا جنيه لو حد غيره كان ممكن التعامل بتاعه يكون صعب معانا.. أنا في النقابة بقالي سنتين وفي شعبة راب كلنا فيها وأتكلمنا مع الأستاذ مصطفى كامل وهو فهمنا حاجات كتير وإحنا بردو بنحاول نفهمه أن الموضوع عندنا مش كده أوي لحد ماتفقنا على موضوع الـ 6 عازفين وأي حاجة هتقولها النقابة إحنا موافقين عليها لأننا عيالهم بردو“.

تابع: “أنا بصراحة خايف من التجربة لأن دي أول مرة أعمل حاجة زي دي ماجربتهاش قبل كده بس أنا واثق في النقيب مصطفى كامل بس مش كل الرابرز العالميين عندهم الموضوع ده“.