مصطفى كامل: كنا متعسفين بإلزام مطربي الراب بـ 12 عازفا

شدوى ممدوح

قال الفنان مصطفى كامل، نقيب المهن الموسيقية، إن القرارات التي اتخذها بشأن مغنيين الراب والمهرجانات ليست جرأة منه، مشيرا: “عايزين نحترم بلدنا وولادنا”.

أضاف “كامل“ خلال مداخلة هاتفية له مع الإعلامية لميس الحديدي، في برنامج “كلمة أخيرة“، المذاع عبر قناة “ON“: “هم اللي أجبروني قعدت أكتر من أسبوع بذاكر فيهم.. مصطفى كامل لما بيكون ليه رأي كفنان أو شخص قصة، ولما بيكون راجل بيدير مؤسسة بترعى كل الشعب قصة.. لازم غصب عني أشوف“.

نرشح لك: “الموسيقيين” تغرم عفروتو 100 ألف جنيها ومروان بابلو 50 ألف جنيها

أردف: “لما قعدت معاهم قولتلهم أنا مزاجي الشخصي بيميل للموسيقى الشرقية والنهاردة ما تكسفتش منهم.. هم شباب زي العسل ودمهم شربات وولاد ناس جدا ومتفهمين، كمان هم شباب قمرات وإحنا لازم نكون مؤمنين.. أنا بدأت سنة 88 تقريباً اللي هو جيل إيهاب توفيق ومحمد فؤاد وهشام عباس الجيل ده كله لما بدأ أتهاجم من الأجيال اللي قبله، وفي حياتي ماكنتش أحب أكون الناقد الناقم“.

تابع: “قعدت مع الشباب وأتكلمنا وقولتلهم إني أتفرجت عليهم وعلى الراب العالمي كله.. أول اجتماع قولتلهم إن الاعتذار من شيم الرجال وإحنا لما أخدنا القرار بـ 12 عازف كان يهيئالي أن ممكن قوام الفرقة الموسيقية الشرقية يكون نفس قوام فرقة الغرب بس لا طبعا.. امبارح حميد الشاعري كلمني لأنه منتمي للمنطقة دي من زمان وكلمني بردو الناس من موزعين وبدأنا نتناقش في أن أقل قوام ممكن تحتمله الفرق الغربية هو إيه“.

أكمل: “هم اقتنعوا جدا بفكرة وجود فرقة موسيقية معاهم في الحفلات وأنا أتفرجت على رابرز عالميين حاطين آلات موسيقية كتير أوي وورتهم ده، التعسف في قراري أنا وزملائي كان في عدد الفرقة لأن الغربي لا يحتمل الـ 12 عازف ولكن من المفترض ألا تنقرض مهنة العازف وألا ينقرض أصحابها، وعدت الشباب دول بأن أول نجاح ليهم برة مصر أنا هكرمهم فيه“.