نصيحة مصطفى حسني للتعامل مع نهاية العلاقات
شدوى ممدوح
أجاب الداعية الإسلامي مصطفى حسني، على سؤال إحدى المتابعات جاء فيه: “ليه ممكن ننجرح من ناس حبيناهم وضحينا علشانهم؟ ليه العلاقة بتنتهي بصمت ومعرفش ليه؟“.
قال “حسني“ في فيديو نشره على موقع تبادل الصور والفيديوهات “إنستجرام“، إنه يوجد 3 أنواع من الناس عند إنهاء العلاقات، مشيرا: “في شخص بيكون عايز يعنفك ويبكتك بغرض الإيلام ثم ينصرف.. يوجعك لأنه موجوع فيقولك كلام يكسرك بعدين يسيبك، وفي صنف بيعاتبك بغرض الإفهام بمعنى أنه يفهمك الغلطة اللي أنت عملتها أو الشئ اللي زعله منك“.
نرشح لك: نصيحة مصطفى حسني لفتاة معجبة بزميلها في الجامعة
أضاف أنه يجب الإصغاء جيدا للنوع الثاني لأنه من الممكن أن يكون الشخص قد جرح شخصا أخر فعلا ولكن بدون أن يقصد ذلك، لافتا: “اسمعه حتى لو عتابه ممكن يبقى شديد شوية لعله يوصلك لحاجة تصلح من طريقتك مع الناس وما تخسركش حبايبك.. أما الشخص التالت فهو اللي بيمشي في صمت وده شخص عنده أفكار خليته يقول أنا مش هتكلم معاك ومش هعاتبك ودي حاجة خاصة بيه“.
أردف: “الشخص ده بيكون إما شايف أنك كررت الموضوع ده وإما شايف أن دي طريقة العلاقة، ده تعمل معاه حاجتين، الحاجة الأولى تتصل بيه وتقوله أنا شايفك مش بتتصل بيا ومش بترد عليا.. ضايقتك في حاجة؟ وأسمع منه عشان هو ممكن يكون مستني الإتصال ده وممكن تكون غلط غلطة وأنت مش قاصد، خليكي باقي على الناس ما تبعش“.
استطرد “حسني“: “مش اللي باعك تبيعه، اللي باعك أفهم لحسن تكون عملت حاجة مؤذية وكرامته ما سمحتلوش أنه يعاتبك.. الحاجة التانية لو مرضاش يتكلم معاك أو محبش يستقبل تليفونك ومش عايز يقولك، أرضى بقضاء الله واعتبرها من العلاقات الفانية اللي مش مكتوبالك أنها تكمل على الأقل في المرحلة دي، وخلي قلبك مفتوح دايما لرجوع كل صداقة غير مؤذية ليك“.
View this post on Instagram