الكلام اتحرف.. بسمة توضح تصريحها حول الرضاعة الطبيعية

قالت الفنانة بسمة، إنها لم تتخيل كونها أم، موضحا أن الأمومة غيرت فيها كل شيء، لافتة إلى أن تصريحاتها عن الأمومة في لقاءتها السابقة حُرفت.

أضافت “بسمة” خلال لقائها في برنامج “كلمة أخيرة” المذاع عبر شاشة “ON” وتقدمه الإعلامية لميس الحديدي: “قامت حملة شعواء على السوشيال ميديا لأن الكلام اتحرف، أنا كنت بقول أحاسيسي وقتها، وقبل ما الأمومة مكنتش شايفة أني لازم أخد بالي من بنتي طول الوقت ومش عايزة أرضع لأن أنا مش بقرة، وانتهى بيا الحال إني رضعت بنتي سنتين”.

نرشح لك: بسمة توضح سبب ابعادها لابنتها عن السوشيال ميديا

أوضحت: “على السوشيال ميديا خدوا جزء من الجملة اللي هي أنا مش بقرة فطلعت يومين ترند، والناس يقولوا لي برافو أنتي ترند، هو ترند ده حاجة حلوة دول بيقولوا عليا بقرة يا جماعة أنا بتشتم”.

تابعت: “قبل الخلفة كنت شايفة أن الطبيخ ده شيء ممل جدا بعد ما خلفت، وبنتي ابتدت تأكل وتستطعم الأكل ابتديت انفسن لو عجبها أكل حد غيري”.

في سياق آخر، قالت الفنانة بسمة، إن طليقها عمرو حمزاوي يحافظ على علاقته مع ابنته نادية، فهو يتحدث معها عندما يسافر للعمل يوميا، موضحة أنها تفعل ذلك أيضا عندما تكون بعيدة عن ابنتها نادية.

أشارت “بسمة” خلال لقائها في برنامج “كلمة أخيرة” المذاع عبر شاشة “ON” وتقدمه الإعلامية لميس الحديدي، أنها تشجع ابنتها على الاعتماد على نفسها، لافتة: “مبحطش صور نادية على السوشيال ميديا لأنها هتكبر وهتقرر، وأنا متخصصة في السوشيال ميديا وبعرف اتصرف فيها”.

أوضحت: “نادية لما تكبر هتقرر علاقتها بالسوشيال ميديا والعالم تبقى عاملة إزاي، وهتقرر هي عايزة الناس تعرف أنها بنت بسمة وعمرو حمزاوي ولا لا؟”.

أردفت: “لأن كونك بنت أشخاص معروفين ده هيغير المعاملة معاكي شوية، إحنا شايفين أن حقها تعيش طفولتها بعيد عن أن أمي وأبويا أشخاص معروفين، من حقها تعيش طفولتها بعيد عن العالم الافتراضي”َ.