لميس الحديدي لـ شيرين: "إيه الضعف دا؟"

 

وجهت الإعلامية لميس الحديدي، رسالة إلى الفنانة شيرين عبد الوهاب، على إثر ما تتعرض له مؤخرا من حالة نفسية وأزمة صحية.

قالت “الحديدي” خلال تقديمها برنامج “كلمة أخيرة“، مساء الأحد، المذاع عبر شاشة “ON”: “دايما بوقلها إيه يعني الللي اتعرضتيله، هو إيه الضعف دا؟ أنتي بتستسلمي وتتكسري بسهولة.. هتتكسري مش هتعرفي تقومي، عندك حفلات قومي”.

نرشح لك: أسرة شيرين عبد الوهاب تطالب بحمايتها من حسام حبيب والسبب: المخدرات

 

أضافت: “عندنا كيان اسمه شيرين.. بيصعب عليا الإنسان الجميلة الطيبة تكون منهارة بالشكل دا.. ميصحش أشوف ست منهارة بالشكل دا.. في ناس كتير حواليكي وأنتي تعرفيهم مروا بأصعب من دا وقاموا.. لكن السيطرة بتاعة ناس كتير حواليها والضغط اللي بيتعرضله، ساعات الناس الكبار دول الدايرة اللي حواليهم بتكون هي أسوء شيء يا ينقذوهم ويودوهم لطريق السلامة يا يودوهم لطريق الندامة عشان بيستغلوهم، وللأسف دا حال شيرين”.

تابعت: “قلبي على بناتها اللي أكيد بيتعرضوا لشيء مؤلم جدا، مش عارفين أمهم فين وبيتعرضوا لإيه.. أتمنالها القوة والشجاعة والسلامة والخروج من هذه الأزمة.. لأن الخط كده ماشي لنهاية مش كويسة.. والقصة الحقيقية عند شيرين”.

on رئيسية شيرين عبد الوهاب كلمة أخيرة لميس الحديدي لميس الحديدي لشيرين عبد الوهاب