الرئيس السيسي يطلب صورة جماعية مع أبطال معركة "أبو عطوة"
طلب الرئيس السيسي، التقاط صورة جماعية، مع أبطال معركة “أبو عطوة” خلال حرب أكتوبر، معربًا عن سعادته بلقائهم، وتقدم باعتذار لهم بعدم تكريمهم من قبل.
قال الرئيس السيسي خلال الندوة التثقيفية للقوات المسلحة اليوم الأحد، بمناسبة ذكرى الانتصار في حرب أكتوبر: “أهلا وسهلا بيكوا.. لينا عظيم الشرف إن احنا نلتقي ونشوفكم، وكل الناس الموجودة في مصر، يشوفوا الرجال، أو من تبقى من الرجال اللي قدموا لبلدنا الكرامة والعزة والنصر والشرف دون مقابل”.
نرشح لك: هبة مجدي: إضاءة “شعلة النصر” احتفالًا باليوبيل الذهبي لحرب أكتوبر
أضاف: “فاحترامي واحترامنا وتقديرنا ليكم كلكم.. أرجو أنكوا تقبلوا اعتذارنا لو مكناش أخدنا بالنا منكم قبل كده، وكان مهم أوي أنكوا تبقوا موجودين النهاردة عشان نقول للمصريين شوفوا تمن الكرامة بيتعمل إزاي.. لا بالكلام ولا الشعارات، بالدم والتضحيات، ولما اتعمل ده فضل باقي.. ربنا يجزيكم خير أنتم وكل أبناء هذا الجيل وقتها”.
أردف: “الصورة دي صورة جميلة، فاحنا مش عارف اللي هعمله ده هيبقى مناسب ولا لأ، لازم نتصور معاكم، عشان نكون جزء منكم وجزء من اللي أنتو عملتوه دلوقتي وبكرة، فاسمحولنا إن احنا نتشرف إننا نبقى جمبكم”.
