لهذا السبب.. ياسمين صبري لا ترد على الشائعات

شدوى ممدوح

تحدثت الفنانة ياسمين صبري، عن طريقة تعاملها مع الشائعات، لافتة إلى أن الشخص المشهور دائما ما يهتم الناس بأموره.

قالت “صبري“ خلال لقائها مع الإعلامية إسعاد يونس، في برنامج “صاحبة السعادة“، المذاع عبر قناة “dmc“: “أنا من ساعة ما اتشهرت واتعلمت من بدري أن هي باكدج، أنت إنسان مشهور إذن الناس مهتمة بأمورك، سواء بقى فضول أو اهتمام أو حب أو عدم حب، في النهاية فيه فضول، أنت هتفضل دايما مادة للإشاعات، وتقبلت ده من بدري جدا ومتعودة عليه“.

نرشح لك: 10 تصريحات لـ ياسمين صبري.. أبرزها عن انتقادات صورها وغموض حياتها

 

أضافت: “تعاملي مع الإشاعات إني معملش أي رد فعل، لأن كل حاجة ليها نهاية حتى الترند ليه نهاية، إنما إيه اللي يطوله؟ الرد، الموجة بقى تكبر، وفيه ناس تحب تبقى شاغلة الناس بس أنا شخصية عندي اكتفاء رهيب من جوايا، إني مش بدور إزاي اشغل الناس، هي بتبقى حاجة من عند ربنا، اورجانيك، ويمكن ده اللي مخلي عمري أطول في المجال بتاعي، لأن أحيانا لما الناس بتحرق في نفسها علشان تستمر على الساحة بتتحرق، بتبقى الناس شبعت منه“.

وعن الانتقادات التي طالت مسلسل “فرصة ثانية“، قالت: “أنا إنسانة واقعية أوي، أنا لما بتفرج ببقى عارفة ايه اللي ضعيف وايه اللي كان محتاج شغل وايه اللي كان مفيهوش إبداع، أنا صريحة مع نفسي علشان كده بحاول اتطور، لو أنا عيشت الوهم أنه آه الناس كلها بتتفرج عليه ده على طول ترند، ده أنا نجحت، مش هتطور“.

أردفت: “أستاذ محمود عبد العزيز الله يرحمه في مسلسل “جبل الحلال” كان بيقعد يتكلم معايا زي بنته، وكان بينصحني كأنه شايف المستقبل، وقال لي: خلي بالك كويس جدا من الدايرة اللي حواليكي، هما دول الناس اللي بيوقعوا”.. كان حظي حلو أن فيه ناس اتحطت في حياتي أدتني مفاتيح من بدري وأنا دايما فاكراها“.