شاشة

سماح أنور: وجعني الكلام الوحش عن سمير صبري

عبرت الفنانة سماح أنور، عن حزنها على ما قيل عن الفنان الراحل سمير صبري، حول نجله الذي يقيم في الخارج، موضحة أنه لا يجب التحدث عن حياة شخص رحل عن عالمنا.

أوضحت “أنور” خلال حوارها في برنامج “أسرار النجوم” المذاع عبر راديو” نجوم إف إم” وتقدمه الإعلامية إنجي علي: “وجعني أوي أن الناس اتكلمت وحش على سمير صبري، وكل الكلام اللي اتقال تأليف، كنت بقول ده عيب، وبحاول أعلم الناس العيب اللي نسيوه”.

نرشح لك: نشوى مصطفى تستعيد موقف إنساني لـ هشام سليم مع ثريا إبراهيم

أشارت: “اللي بيتكلم عن حد ساب الدنيا، ده بياكل لحم ناس ميتة، وبيتاجر وعايز الناس تسمع عنه ويعمل ترند، وياخد له 3 دولار من السوشيال ميديا، وأنا مش هرد على ده اتقهرت على سمير لأنه ميستاهلش كده ولأنه طيب ووفي ومخلص وراقي”.

في سياق آخر، قالت الفنانة سماح أنور، إنها لا تبحث عن الحب والارتباط، موضحة أنها تكون سعيدة بمفردها، لافتة إلى أنها ابتعدت عن الوسط الفني لمدة خمس سنوات قبل الحادث الذي تعرضت له.

أضافت “أنور” خلال حوارها في برنامج “أسرار النجوم” المذاع عبر راديو “نجوم إف إم” وتقدمه الإعلامية إنجي علي: “أنا مبدورش على حب أو ارتباط، أنا طول عمري بقع على وشي، وأنا مش مصدقة بفكرة أن اتنين يبقوا مع بعض 24 ساعة ويبقوا مبسوطين.. أنا بتبسط أكتر وأنا لوحدي”.

أشارت: “أنا اتعلمت من والدي أن الدنيا زي جهاز رسم القلب فوق وتحت بشكل غير منتظم، لما تبقي فوق أجهزي عشان أنتي نازلة ولما تبقي تحت أجهزي عشان أنتي طالعة، لكن مش هتقدري تطلعي أو تنزلي إلا بإرادتك.. وأكتر حاجة عملتها في السنين اللي فاتت واستفدت منها هو الشغل على نفسي، أعرف إيه البتاعة اللي ربنا خلقها واسمها سماح”.

أوضحت: “أنا كنت مسؤولة إلى حد ما في البعد عن الوسط الفني، مش بس عشان الحادثة لكن قبل الحادثة قعدت خمس سنين انعزلت عن الوسط الفني.. لما تبقي ناجحة ومكسرة الدنيا وتحسي إنك مش هتشتغلي أبدا وفي ناس بعد الثورة قالوا لي يا سماح دوري على حاجة تانية”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock