الأخيرة

نشوى مصطفى تستعيد موقف إنساني لـ هشام سليم مع ثريا إبراهيم

استعادت الفنانة نشوى مصطفى، تفاصيل موقف إنساني للراحل هشام سليم والفنانة ثريا إبراهيم، إذ تكفل برحلة الحج الخاصة بها.

كتبت “مصطفى” عبر حسابها على موقع التواصل الاجتماعي “فيس بوك“: “افتكرت حاجة عن هشام سليم يمكن مش كتير يعرفوها، في يوم راجعة من التصوير وكان فيه أستاذة ممثلة كبيرة الله يرحمها اسمها ثريا إبراهيم -قالت لي نشوى معنديش عربية توصليني في طريقك لأقرب مكان أنزل أخد تاكسي- قلت لها تاكسي ازاي اوصل حضرتك لباب البيت، وإحنا ماشيين قالت لي عارفة الشقة اللي حتوصلينى ليها دي مين جابها لي، قلت لها مين؟ قالت لي شيريهان”.

نرشح لك: شريف رمزي يروي تفاصيل زيارته الأخيرة لـ هشام سليم

تابعت: “وحكت لي أنها كانت بتشتغل معاها مسرحية شارع محمد علي وكانت بتيجي كل يوم من طنطا للقاهرة وترجع تاني، لأن بيتها كان هناك ولما شريهان عرفت قالت لها شوفي الشقة اللي تحبيها وأنا أشتريها لك، ولما اشترتها كانت فرحانة اوي، ولما هشام عرف بارك لها وقال لها فرشتيها ولا لسه قالت له فرشتها قال لها كان نفسي افرشهالك قالت له وهي بتهزر طيب ما تعمل حاجة تانية قال لها تحت أمرك، قالت له نفسي أحج”.

تابعت: “تاني يوم لقيت شركة سياحة بتكلمها وبلغتها أن هشام دفع كامل التكلفة وكانت خمسين ألف جنيه، وكمان وهي رايحة عطاها مصروف الرحلة وقال لها ادعى لي.. بس كده، ألف رحمة ونور”.

كان الفنان هشام سليم رحل عن عالمنا صباح أمس الخميس، بعد معاناة مع مرض السرطان لعدة أشهر.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock