تامر حسني: انقذوا أولادنا من الأفكار القذرة
وجه الفنان تامر حسني عدة نصائح لجمهوره، لا سيما جيل الشباب الذي يعاني من صعوبات الحياة، ويعيش فترات من التخبط والانشغال بمواقع التواصل الاجتماعي.
طلب تامر من الشباب عدم إهدار الوقت، والاطمئنان بشأن الترتيبات الإلهية في مستقبلهم، كاتبا عبر إنستجرام: “لو الوقت فلوس هتهدره کده؟ مهما مين رتبلك شر مفيش حاجه هتحصلك إلا اللي ربنا كاتبه فا نطمن ونخلي طاقتنا اللي بتاخد من عمرنا لخدمتنا مش للتدوير ورا حياة الناس ومین عمل ايه ومین راحت فين”.
نرشح لك: بعد تحقيق فيلم “بحبك“ أرقام قياسية.. تامر حسني للشباب: مفيش مستحيل
أضاف: “الجيل الحالي فعلاً بيواجه فترة صعبة من التخبط، إحنا على الأقل لحقنا جيل أهالينا الطيبين وجيل الجيران الرحيمة والصداقات البريئة واحترام الآخر أياً كان مينثث الجيل اللي علمنا لو ست كبيرة راکبه مواصلات وملهاش مکان نقف احنا وهي تقعد، الجيل الحالي اتولد لقى العالم كله باصص في حياته وبيحكم عليه من خلال سوشيال ميديا بلا رحمة ف اضطر يبقى شبههم ويعمل زيهم”.
تابع تامر حسني: “جيل مش عارف يبقى في حاله ويركز في نفسه ويقرب من ربنا عشان كدا من ضمن الحلول إن أولادنا يحلموا بالنجاح والطموح بدري.. لكل الأهالي أتمنى تشغلوا أطفالكم من الصغر في أي اهتمامات إیجابیة، دوروا جواهم هتلاقوا ولو ملقيتوش ساعدوهم يلاقوا بالتوجيه لأي اتجاه رياضي، علمي، فني يشغل تفكيرهم في الإيجاب عشان ينفدوا من اللي بيحصل من تفكك مجتمعي وأفکار قذرة دخيلة على ثقافتنا والأخبار السلبية المحاطين بيها ٢٤ ساعة من السوشيال ميديا”.
اختتم تامر تعليقه كاتبا: “لازم نعلمهم الاستخدام الإيجابي الصح للإنترنت والسوشيال ميديا والبحث عن كل ما هو نافع ليهم، عشان كدا قيمة الوقت مهمة اللي هنعمل فيها كل دا نبص للوقت إنه مهم اوي زي الفلوس وأهم، لأن الوقت دا الفترة اللي بتفكر فيها وبتشتغل فيها عشان تكسب يعني هو ٦هميته قبل المادة معقول لو الوقت فلوس کدا وهنسمح لولادنا يهدروه كده؟!”.
View this post on Instagram