بعد تحقيق فيلم “بحبك“ أرقام قياسية.. تامر حسني للشباب: مفيش مستحيل
شدوى ممدوح
حقق مؤخرا فيلم “بحبك” للفنان تامر حسني، رقمين قياسيين هما الأعلى في تاريخ السينما العربية حيث حضر الفيلم نحو 2 مليون و600 ألف شخص في شهر ونصف، واقتربت إيرادات الفيلم إلى 600 مليون جنيها.
نرشح لك: شاهد.. أغنية “طمنوني“ لـ محمود العسيلي وأسماء الجمل نجمة “الدوم”
نشر “حسني“ على حسابه على موقع تبادل الصور والفيديوهات “إنستجرام“، وكتب: “الحمد لله من جد وجد وربنا بيكرم على قد التعب الحمد لله عشان نجحت وحققت الإنجازين دول وأثبتت إني كنت شایف صح وصاحب رؤية وشخصية فنیة مستقلة مبتمشيش غير ورا قناعتها اللي بتتبني بعد دراسة كبيرة للأشياء“.
مضيفا: “حبيت أقول للشباب مفيش مستحيل بقول الكلام ده عشان يكون قدامكوا عبرة واضحة تخليكوا متيأسوش ودایماً عندکوا أمل ولا يهزكوا أي حروب وأحقاد وناس مأجورة كل ده ( بلح ) جانب الاجتهاد الحقيقي و الإنسان لما يبقى عنده تحدي قوي مؤمن بيه اللي بيطلع من القلب بيوصل للقلب ولا يصح إلا الصحيح وأوعى تفتكر إن في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك“.
تابع: “شكراً سينرجي وسكاي ليميت وفيلم سکویر و th برودکشن وأورينت الدولية إنكم صدقتوني لما قولتلكم إن شاء الله هنعمل إنجاز تاريخي بفيلم رومانسي في عصر العنف والقتل وهنرجع نحب ونرجع المشاعر تاني، أهو الإنجاز بقى إنجازين رقم عمري ما طلبته من ربنا لإنه عمره ما ييجي في خيالي كنت أطمح في ربعه وعدد زوار الفيلم ربنا كرمنا وفخور كل الفخر بأن أعلى رقمين في تاريخ السينما على مر العصور تم تحقيقهم بفيلم من تأليفي وموسيقتي التصويرية وإخراجي الحمد لله ومليون مبروك لجميع أبطال وصناع الفيلم وكل الشكر للجمهور المصري العربي والعالمي اللي شرفنا وتسبب في هذا الحدث العظيم في حياتي“.
View this post on Instagram
فيلم “بحبك“ يضم عدد من أبرز النجوم، منهم: هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.
كان قد طرح الفنان تامر حسني، ألبومه الجديد “عشأنجي”، عبر قناة شركة “روتانا” الرسمية على “يوتيوب”، يضم الألبوم 9 أغنيات مختلفة، جاءت أغلبها على شكل فيديو كليب.