إصابة ليلى زاهر بأوميكرون تمنعها من الاحتفال بعيد ميلادها
سالي فراج
أعلنت الفنانة ليلى زاهر إصابتها بفيروس أوميكرون للمرة الثالثة بعد إصابتها بفيروس كورونا مرتين من قبل، لافتة إلى أن الإصابة منعتها من الاحتفال بعيد ميلادها وسط عائلتها.
نشرت “زاهر” صورة لها عبر حسابها الرسمي على موقع تبادل الصور والفيديوهات “إنستجرام”، معلقة: “أنا عايزة أشكر كل حد خد من وقته دقيقة، وبعتلي وفرحني في عيد ميلادي وخصوصًا الفانز بجد أنا كنت ببذل كل جهدي إني أشوف كل الفيديوهات اللي إنتوا عاملينها ومفوتش ولا فيديو، حقيقي أنا بحب كل حاجة بتعملوهالي وأصلا إنتوا أي حاجة منكم حلوة بجد شكرًا قوي علي مجهودكم الكبير إنتوا عندي حاجة كبيرة ومهمة قوي”.
نرشح لك: ليلى زاهر عن شائعات ارتباطها: مفيش الكلام ده
أضافت: “كان نفسي النهاردة أكون بحتفل مع أهلي وأصحابي بس للأسف أنا إيجابي أوميكرون ودي تالت مرة مرتين كورونا والمرة دي أوميكرون، بس الحمدلله أكيد متضايقة وتعبانة أكتر مرة بس إدعولي أخف بسرعة وبحبكم قوي شكرًا من قلبي”.
View this post on Instagram
في سياق آخر كانت الفنانة ليلى أحمد زاهر، قد علقت على شائعات ارتباطها المنتشرة مؤخرا، موضحة أنها لا تفكر بخطوة الارتباط في الوقت الحالي.
قالت “ليلى” خلال لقائها مع برنامج “ArabWood”: “مفيش الكلام ده يا جماعة والله.. ريحوا نفسكم، أنا من جوايا ببقى عارفة إن مفيش الكلام ده عشان كده عمري ما بتضايق من الإشاعات أو بقلق منها، لأني عارفة إني مش مرتبطة.. ليه أتخطب دلوقت؟ أنا عندي حاجات أهم بكتير، ومركزة في شغلي ودراستي”.