هدى تكشف أسباب غيابها عن الساحة الفنية
كشفت الفنانة هدى عن أسباب غيابها المتكرر عن الساحة الفنية، موضحة أنها غابت في البداية عندما تزوجت وأنجبت ثم انفصلت.
تابعت “هدى” خلال لقائها مع برنامج “مساء dmc” المذاع على شاشة dmc ويقدمه الإعلامي رامي رضوان: “من ضمن التأخير لما بمضي مع الشركات بيبقى حظي وحش دايما مع الشركات ومع المنتجين، بمضي وبروح على إن هيتعمل شغل معين مبلاقيش اللي أنا عايزاه، فبتأخر فبمشي”.
نرشح لك: موعد حفل عمرو دياب في العلمين
واصلت: “ثانيا أنا بنتج لنفسي وعلى ما بعمل حاجة بتأخر فيها شوية، عندي كم كبير من الأغاني عملاها ومركونة، ساعات السوق ميبقاش سامح أنزل، ساعات نفسيتي بتبقى مش كويسة، وأنا من الأشخاص نفسيتي دايما بتنعكس على كل حاجة في حياتي، بتضايق بيبقى مليش نفس حتى أغني”.
أكدت: “التقصير في حياتي بسبب الإنتاج وطول عمري بدور على حاجة في شغلي لسه موصلتلهاش، انا عمري ما انتظرت حد يعملي حاجة ولما بلاقي فرصة للإنتاج مش بتأخر عنها”.